Berthé Aïssata Bengaly
| Berthé Aïssata Bengaly | |
|---|---|
| Bizitza | |
| Jaiotza | Koutiala (en)  , 1957ko maiatzaren 20a |
| Herrialdea |  Mali |
| Heriotza | 2024ko maiatzaren 31 (67 urte) |
| Hezkuntza | |
| Heziketa | Ecole Normale Supérieure of Bamako (en) Tulane Unibertsitatea |
| Jarduerak | |
| Jarduerak | politikaria |
  | |
Berthé Aïssata Bengaly (Koutiala, 1957ko martxoaren 20a – 2024ko maiatzaren 31[1]) maliar nutrizionista eta politikaria izan zen.
Bizitza[aldatu | aldatu iturburu kodea]
Bamakoko Goi Mailako Arauzko Eskolan ikasi zuen eta 1985ean kimikan lizentziatu zen. 1995ean nutrizionismoko masterra egin zuen New Orleanseko Tulane Unibertsitatean. 1985etik 1986ra kimika irakatsi zuen Bamakoko Notre-Dame du Niger lizeoan. 1990etik 1995era Bamakoko Landa Ekonomia Institutuan aritu zen ikertzaile gisa, eta 1996tik 2001era Texasko A&M unibertsitatean[2][3]. Sukaldaritzako errezetak hobetzeko ikerketengatik egin zen ezaguna[4]. Besteak beste, Malin ospetsuak diren Deliken sorgozko gailetak prestatzeko teknologia garatu zuen[3].
2002ko urriaren 16tik 2005eko ekainaren 20ra Maliko Emakume, Haur eta Familia ministroa izan zen, eta 2013ko irailaren 8tik 2015eko urtarrilaren 10era Eskulangintza eta Turismo ministroa[2].
Hiru seme-alaben ama zen[3]. 2024ko maiatzaren 31n hil zen, 67 urte zituela, gaixotasun labur baten ondorioz[1].
Erreferentziak[aldatu | aldatu iturburu kodea]
- ↑ a b (Frantsesez) «#Mali : L’ancienne ministre Mme Berthé Aïssata Bengaly tire sa révérence» MaliWeb 2024-06-01 (Noiz kontsultatua: 2024-06-02).
- ↑ a b (Frantsesez) «En 57 ans d’indépendance : Le Mali a connu 57 femmes ministres» MaliWeb 2017-07-29 (Noiz kontsultatua: 2024-06-02).
- ↑ a b c (Frantsesez) «Berthé Aissata Bengaly» aBamako (Noiz kontsultatua: 2024-06-02).
- ↑ (Frantsesez) Thior, Birama. «Mali : Décès de l'ancienne ministre Berthé Aïssata Bengaly» Senegal7 2024-06-01 (Noiz kontsultatua: 2024-06-02).
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q85984352