Brigitte García
| Brigitte García | |
|---|---|
| Bizitza | |
| Jaiotza | Canoa (en)  , 1997ko urtarrilaren 27a |
| Herrialdea |  Ekuador |
| Heriotza | 2024ko martxoaren 24a (27 urte) |
| Jarduerak | |
| Jarduerak | politikaria |
Melany Brigitte García Farías (Canoa, 1997ko urtarrilaren 27a – San Vicente, 2024ko martxoaren 24a[1]) ekuadortar erizain eta politikaria izan zen, alkate kargua hartu duen ekuadortar gazteena. 2023ko maiatzetik 2024ko martxoan hil zuten arte izan zen San Vicenteko alkate[2][3].
Bizitza[aldatu | aldatu iturburu kodea]
Melany Brigitte García Farías 1997ko urtarrilaren 27an jaio zen Canoan, Ekuadorko San Vicente kantonamenduan. Lau neba-arrebetatik gazteena zen[2]. Txikitan politikarekiko interesa piztu zitzaion, eta nerabezaroan eskualdeko hainbat proiektu politikotan parte hartu zuen. 15 urte zituela, osasun-zerbitzu batean egiten zuen lan[4].
Erizain moduan trebatu ondoren, San Vicenteko alkatetzarako aurkeztu zuen bere burua. Herritarren Iraultza Mugimenduak bultzatuta, 2023ko maiatzean, 26 urte baino ez zituela, Ekuadorren historiako alkate gazteena bihurtu zen[2]. 4.943 botorekin (%37,48) hautatu zuten[4]. Bere agintaldian, edateko ura eta estolda-sistemak ezarri zituen, komunitatearen ongizateari laguntzeko[2]. Gainera, nekazaritza eta arrantza industria garatzeko asmoa zuela adierazi zuen[5].
2024ko martxoaren 24an erail zuten, alkate kargua hartu eta hamar hilabetera, Jairo Loor komunikazio zuzendariarekin batera[2]. Auto baten barruan gertatu da hilketa, eta biak hil zituen pertsona haiekin batera zihoala uste da[2][6].
Erreferentziak[aldatu | aldatu iturburu kodea]
- ↑ (Gaztelaniaz) Loaiza, Yalilé. «Asesinato de Brigitte García, al alcaldesa más joven de Ecuador: la policía cree que el asesino estaba en el mismo vehículo» Infobae 2024-03-25 (Noiz kontsultatua: 2024-04-22).
- ↑ a b c d e f (Gaztelaniaz) «Quién era Brigitte García, la alcaldesa más joven de Ecuador que fue asesinada a tiros con uno de sus asesores» BBC News 2024-03-25 (Noiz kontsultatua: 2024-03-25).
- ↑ (Ingelesez) «Ecuador's youngest mayor found shot to death alongside staffer» Reuters 2024-03-24 (Noiz kontsultatua: 2024-04-22).
- ↑ a b (Gaztelaniaz) «Asesinato Brigitte García: ¿Quién fue la Alcaldesa de San Vicente?» Ecuavisa 2024-03-24 (Noiz kontsultatua: 2024-04-22).
- ↑ (Gaztelaniaz) «Asesinan a Brigitte García, alcaldesa del cantón San Vicente, en Manabí» El Universo 2024-03-24 (Noiz kontsultatua: 2024-04-22).
- ↑ (Gaztelaniaz) Nares, Paulina. «Hallan muerta a la alcaldesa más joven de Ecuador, Brigitte García» CNN 2024-03-24 (Noiz kontsultatua: 2024-04-22).
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q125128061