Cortinarius pseudosulphureus

Cortinarius pseudosulphureus
Sailkapen zientifikoa
Erreinua	Fungi
Klasea	Agaricomycetes
Ordena	Agaricales
Familia	Cortinariaceae
Generoa	Cortinarius
Espeziea	Cortinarius pseudosulphureus P.D.Orton, 1960

Cortinarius pseudosulphureus Cortinariaceae familiako onddo espezie bat da.

Sinonimoa: Phlegmacium pseudosulphureum, Cortinarius sulphureus.

Deskribapena

Kapela: 5 eta 7 (8) cm bitarteko diametrokoa, ganbil-lautua, ertza beherantz biribildua, gero tolestua; likatsua hezetasunean, zetaduna lehorrean, hori-kromo koloretik oliba antzekora doan kolore eder batekoa, edo marroiz zikinduta diskorantz.

Orriak: Hori-oliba bizi kolorekoak, gero arreak, itsatsiak, estu,

Hanka: 4 eta 7 cm bitarteko garaierakoa eta 1 eta 1,5 cm bitarteko diametrokoa, orrien kolore berdinekoa edo berdexkagoa; erraboil marjinatua; ukitzean oliba antzeko kolorea hartzen du. Gortina horiarekin.

Haragia: Hori bizi kolorekoa edo hori-berdexka, usaingabea eta zapore gozoarekin.

Erreakzio kimikoak: Kapela eta orriak, + álcali: arre ilina; haragia +álcali, gris-oliba antzekoa; haragia + guaiaco, urdina; Haragia + fenol, mantso arre-ardo kolorea.

Etimologia: Cortinarius hitza, gortinatik dator, gortina eta guzti, errezelaren hondakin bereizgarriak direla eta. Pseudosulphureus epitetoa, Cortinarius sulphureus espeziearen antzekoa delako du.

Jangarritasuna

Ez da jangarria.

Nahasketa arriskua

Erreakzio kimikoei begiratu gabe ez da erraza identifikatzea.

Sasoia eta lekua

Pagoen basoetan eta mistoetan, kare-lurretan.

Banaketa eremua

Frantzia, Alpeak, Belgika, Herbehereak, Danimarka, Suedia, Austria.

Kanpo estekak

• Datuak: Q127164157