Drouant

Drouant
	Irudi gehiago
Kokapena
Estatu burujabe	Frantzia
Udalerrien arteko lankidetzarako erakunde publikoa	Paris Handiko metropolia
Territorial collectivity of France with special status	Paris
Sector of Paris	Paris Centre
Udalerri barrutia	Parisko 2. barrutia
Administrative quarter of Paris	Gaillon
Koordenatuak	48°52′N 2°20′E / 48.87°N 2.33°E
Historia eta erabilera
Irekiera	1880
Izenaren jatorria	Charles Drouant (en)
	Webgune ofiziala

Drouant Parisko jatetxe ospetsua da. 1880an Charles Drouantek sortu zuen. Opéra Garnier auzoan dago, Parisko 2. barrutian, Gaillon plazan, 16-18 zenbakian. Drouant jatetxeak, hilabetero, lehen asteartean, 1914tik, Goncourt Sariaren epamahiaren bilera jasotzen du.^[1] 1926tik, bestetik, Renaudot Sariarena ere bai. Jatetxearen sukaldeak Émile Cotte-k eramaten ditu.

Historia

Charles Drouant alsaziarrak sortu zuen bar-tabac gisa, 1880an. Parisko leku ospetsu bihurtu zen batez ere ostrak dastatzeko, astero jabearen koinatu bretoiarrak eramaten zituen ostrekin. Bere semea, Jean Drouant-ek, 1914an hartu zuen kargua eta, ondoren, 1946tik 1976ra, bere ilobak, Jean Drouant.^[2] Azken honek izena eman zion Parisen Médéric kalean kokatutako gastronomia eskolari, École hôtelière de Paris, gaur egun Lycée des Professions de l’Hôtellerie Jean-Drouant deitzen dena.

1976an, Jean Drouantek erabaki zuen jatetxea saltzea Robert Pascal-i, jatetxeko langile izana urtetan. Ondoren, 1986 eta 2006 artean, Drouant jatetxea hainbat aldiz aldatu zen eskutik. Louis Grondard sukaldariari esker, Drouant jatetxeak, 1988 eta 2005 artean, gastronomia-izar bana eta bi jaso zituen. 2006an, Antoine Westermann, Drouant familiako ahaidea, chef eta jabe berria bihurtu zen, jatetxeak Drouant par Antoine Westermann izena hartuta.^[3]

2018an, Gardinier anaiek Drouant jatetxea eskuratu zuten, hau Gardinier & Fils taldean integratuz.