Eunize

Eunize Itun Berriko pertsonaia da, Timoteoren ama^[1]. Judu jaio zen eta gero kristau bihurtu zen Loide amarekin batera. Eunizeren izena behin bakarrik aipatzen da Biblian, Timoteori Bigarren Gutunean:

«	Izan ere, gogoan dut zuk duzun zinezko fedea, lehenik Loide zure amonak eta Eunize zure amak izan zuten fede bera; ziur nago zuk ere baduzula.	»
^[2]

Gainera, Timoteoren ama izenik gabe aipatzen da Apostoluen Eginetan:

«	Paulo Derbera heldu zen eta gero Listrara. Han Timoteo izeneko ikasle bat aurkitu zuen; ama judua zuen eta kristaua; aita, berriz, greziarra.	»
^[3]

Iruzkintzaile askok Eunize lotu dute Timoteori Bigarren Gutuneko hirugarren kapituluarekin arekin, non Paulok Timoteori gogorarazten dio:

«	Zuk, ordea, iraun ezazu tinko ikasi eta egiatzat onartu duzun guztian; hartu gogoan norengandik ikasia duzun eta Liburu Santuak umetandik ezagunak dituzula.	»
^[4]

Albert Barnesek idatzi zuen Timoteoren ama jainkozalea zela eta betebehar bat bezala hartu zuela semea Jainkoaren hitzaren ezagutzan trebatzea^[5].

Henry Donald Maurice Spencek iradoki zuen Loide, Eunize eta Timoteo Pauloren senideak izan zitezkeela^[6].

Erreferentziak

↑ (Ingelesez) «Lois and Eunice. Passing Down a Godly Heritage» History's Women. An Online Magazine (Noiz kontsultatua: 2024-01-04).
↑ 2 Tm 1:5
↑ Eg 16:1
↑ 2 Tm 3:14-15
↑ (Ingelesez) Barnes, Albert. «The Second Epistle of Paul To Timothy - Chapter 3 - Verse 15» Christian Classics Ethereal Library (Noiz kontsultatua: 2024-01-04).
↑ (Ingelesez) Spence, H. D. M. (1905). Ellicott's Commentary for English Readers. (Noiz kontsultatua: 2024-04-01).