Edukira joan

Javier Suso San Miguel

Aldatu loturak
Wikipedia, Entziklopedia askea
Javier Suso San Miguel

Bizitza
JaiotzaGasteiz, 1955eko irailaren 17a (68 urte)
Herrialdea Araba, Euskal Herria
Jarduerak
Jarduerakikertzailea

Javier Suso San Miguel (Gasteiz, 1955eko irailaren 17a) ikertzailea eta Anglo-Vasco-Navarro trenbide bide berdearen bultzatzaile nagusienetako bat.

Biografia[aldatu | aldatu iturburu kodea]

Bere haurtzaroa Gasteiz eta Maeztu artean igaro zuen eta El Trenico-n (Vasco-Navarro trenbidea) ibili zen. Umetan, ehunka kilometro egin zituen, bagoi haietako leihatiletan zehar paisaia nola aldatzen zen ikusiz. 1967ko Urtezahar gauean funtzionatzeari utzi zion.[1]

Bere aitak, Ángel Susok, tren-konpainiako ogasuneko arduradunak, El Trenico desegiteko lan gogorrari aurre egin behar izan zion. «Oso gogorra izan zen berarentzat, bere egunak amaitu arte, gizona oso gaixorik zegoenean, oso kezkatuta zegoen Maeztuko estazioarekin gertatuko zenarekin; izan ere, bertakoak garelako eta hainbeste uda eman ditudalako», gogoratzen du.[2]


Vasco-Navarro trenbidearen memoria[aldatu | aldatu iturburu kodea]

Handik urte batzuetara, 1998an, Vasco-Navarro trenbidearen memoria berreskuratzeko eginahalak egitea bere gain hartu zuen Susok. Dokumentu, argazki eta material asko babestea, zaintzea eta aurkitzea lortu du eta iaz Antso Jakituna Fundazioari, Gasteizko Udal Artxiboari, Maeztukoari, Burdinbidearen Euskal Museoari eta Lizarrako La Bota elkarteari bilduma hau ematea erabaki zuen.[3][4][5] Bere altxorra, 28.000 harribitxi dokumental baino gehiago dituena, ikerketa-lanarekin jarraitu nahi duenaren esku dago orain.[2]

Susoren ekarpena El Trenico biziberritzeko funtsezkoa izan da. Vasco-Navarro trenbide bide berdearen bultzatzaile handienetako bat izan da 140 kilometroko bidea (47 km Gipuzkoan eta 63,5 km Araban, eta gainerakoa Nafarroan) eta hau izan da trazadura kontserbatzeko modurik onena.

Vasco-Navarro trenbidearen bide berdearen aditu handienetako bat da, Arabako industria-ondarearen altxorra. Bere berreskuratze eta dibulgazio-lan izugarriari esker, El Trenico-ren ondarea mantendu eta kontsultatu ahal izan da. 2023ko urrian, El Correok Alavés del Mes saria eman zion, Eusko Jaurlaritzak Vasco-Navarro trenbidetik geratzen dena Babes Bereziko Kultur Ondasun deklaratzeko egin zuen funtsezko ekarpenagatik.[2]

Sariak eta esker onak[aldatu | aldatu iturburu kodea]

  • 2023 Alavés del Mes, El Correo.[2]
  • 2024 COPE Vitoriaren Arabako Saria, berreskuratze- eta dibulgazio-lanagatik. Horri esker, El Trenico-ren ondarea gorde egin da, eta kontsulta daiteke.[6]

Erreferentziak[aldatu | aldatu iturburu kodea]

  1. ↑ Carracedo, Sergio. (2022-03-27). «Los secretos revelados del Vasco Navarro» El Correo.
  2. ↑ a b c d Barbó, Jorge. (2023-10-29). «Una vida dedicada a que la memoria de 'El Trenico' no entre en vía muerta» El Correo.
  3. ↑ «La memoria del ferrocarril Vasco-Navarro en la Fundación Sancho el Sabio» Fundación Sancho El Sabio 2022-03-27.
  4. ↑ estudio.447. La Bota Elkartea recibe 20.000 documentos sobre el tren Vasconavarro | Cope Tierra Estella. .
  5. ↑ Carracedo, Sergio. (2022-03-27). «Los secretos revelados del Vasco Navarro» El Correo.
  6. ↑ Euskadi, Redacción COPE. (2024-05-06). «Conoce los Premios Alaveses y Alavesas del Año de COPE Vitoria» COPE.

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Javier_Suso_San_Miguel&oldid=9809679"(e)tik eskuratuta