Kelantango sultan

Kelantango sultan
Datuak
Mota	hereditary position (en)
Herrialdea	Malaysia
Karguaren titularra	Muhammad V.a Kelantangoa
Historia
Sorrera	1267

Kelantango sultana (سلطان كلنتن) Malaysiako Kelantan estatuburu konstituzionala da. Estatuaren botere betearazlea du, Estatuaren monarka izanik. Gaur egungo sultana, Muhammad V.a Kelantango 29. sultana da. Estatuko Islamaren burua da, eta herriko titulu, ohore eta duintasun guztien iturria. Yang di-Perean Agong edo Malaysiako monarka eta estatuburua izan zen, 2016ko abenduaren 13tik 2019ko urtarrilaren 6an uko egin zion arte, 2016ko urriaren 14an Gobernarien 243. Konferentzian (berezia) hautatu ondoren.

Historia

Kelantan estatu boteretsua izan zen historikoki, eta lotura komertzialak izan zituen Txinako, Indiako eta Siameko lehen zibilizazioekin. XIII. eta XIV. mendeetan Majapahit eta Srivijayako inperioen menpekoa izan ondoren, XV. mendean Siamen eta gero Malakako sultanerriaren boterearen pean erori zen. 1511n Malaka portugaldarrek konkistatu ondoren, Kelantan zenbait feudotan disolbatu zen. Siamdarrek konkistatu zituzten berriro, eta ondoko Pattani ere menderatu zuten.

1760an, Kubang Labuko rajak, Long Muhammad edo Long Pandak bezala izendatzen dena, lurralde desberdinak biltzea lortu zuen, gobernari bakar baten pean. Lau urte geroago, Long Yunus pattani jatorriko jaun aristokratikoak bota egin zuen, tronua hartu eta Kelantango Raja aldarrikatu zuen bere burua. 1795ean Raja Yunus hil ondoren, estatuaren kontrola Terengganura pasatu zen. 1800ean, Long Muhammad, Yunus-en semea, Muhammad I sultan izendatu zuten. Azkenik, siamdarrek aparteko estatu bateko agintari gisa onartu zuten, 1812an.

2010eko irailean,Ismail Petra Kelantangoa Estatuko Ondorengotza Kontseiluak kendu zuen, bere seme zaharrenaren mesedetan, Tengku Muhammad Faris, buruko isuri bat izan zuelako.

Kanpo estekak

• Datuak: Q3496104
• Multimedia: Monarchs of Kelantan / Q3496104