Kristal hautsiak

Kristal hautsiak
Jatorria
Egilea(k)	Arthur Miller
Estreinaldi-data	1994
Jatorrizko herrialdea	Ameriketako Estatu Batuak
Ezaugarriak
Historia
Jasotako sariak	Laurence Olivier Award (en)

Kristal hautsiak (jatorrizko izenburua: Broken Glass) Arthur Miller idazle estatubatuarrak idatzitako antzezlana da. Lehen aldiz 1994an taularatu zen.

Lehenengo aurkezpenak

Lehen aldiz 1994an, Long Wharf Theatre, New Haven (Connecticut) taularatua izan zen. Handik, jarraian, urte bereko apirilaren 24tik, New Yorkeko Broadwayko Booth Theatre taularatu zen. Zuzendaria John Tillinger izan zen eta aktore nagusiak Amy Irving, Ron Rifkin, David Dukes, Frances Conroy, Lauren Klein eta George N. Martin. Urte bereko abuztuan Londresen ere taularatu zen David Thacker-en zuzendaritzapean eta Henry Goodman, Sally Edwards, Ken Stott, Julia Swift, Margot Leicester eta Ed Bishop aktoreekin.

Pertsonaiak

• Sylvia Gellburg
• Phillip Gellburg, Sylviaren senarra
• Dr. Harry Hyman, Sylvia Gellburgen medikua
• Margaret Hyman, Hyman Doktorearen emaztea
• Harriet, Sylviaren ahizpa
• Stanton Case, Phillipen langilea

Argumentua

Argumentua New Yorken, 1938an kokatzen da. Phillip eta Sylvia Gellburg senar emazte juduen istorioa da. Phillip Wall Streeteko banketxea batean lan egiten du. Sylviak Kristal hautsien gauaren inguruko Berlingo albisteak entzuten ditu eta, ondorioz, gerritik behera elbarritua gelditzen da. Hyman doktorearen ustez, nahiz eta psikiatra ez izan, Sylviaren elbarritasunak jatorri psikosomatikoa du eta horrela hasten da sendatu nahian. Doktoreak tratamenduaren bitartean bikoteak dituen arazoak ezagutuko ditu. Philip nagusiarekin eztabaida gogor bat izan zuen eta bihotzekoa izan zuen. Hiltzekotan zegoela Sylviari bere sentimenduak adierazi zizkion, barkamena eskatuz. Sylvia azkenean osatu zen.

Erreferentziak

• Datuak: Q4973380