Lankide:Ainara.aldeano/Microteknologia(proba orria)

Wikipedia, Entziklopedia askea

Mikroteknologia[aldatu | aldatu iturburu kodea]

Mikroteknologia mikrometro baten inguruko ezaugarriak dituen teknologia da (metro baten milioirena, 10 −6 metro edo 1 μm). Prozesu fisiko eta kimikoetan oinarritzen da, baita mikrometro bateko magnitudea duten egituren ekoizpenean edo manipulazioan ere.

Historikoki, mikrofabrikazio-prozesuak zirkuitu integratuak sortzeko erabili izan dira. Azken bi hamarkadetan, sistema mikroelektromekanikoek (MEMS), mikrosistema analitikoek, disko gogorren ekoizpenak, LCD pantailek eta eguzki-panelek zabaldu dute metodo multzo horren irismena.

Hainbat gailuren miniaturizazioak zientziaren eta teknologiaren hainbat arloren parte-hartzea eskatzen du: fisika, kimika, materialen zientzia, informatika, hutseko teknologia, galvanoplastia[1].

Mikroteknologia teknika multzo bat da, ideiatik hasi eta gauza txikiak ekoizteraino erabiltzen dena. Normalean, informazioa jaso, prozesatu eta itzultzen duten gailuak eta makinak aurki ditzakegu.

Garapena[aldatu | aldatu iturburu kodea]

1970. urtearen inguruan, zientzialariek aurkikuntza bat egin zuten: transistore mikroskopiko kopuru handiak txip bakar batean bateratzean, errendimendua, funtzionaltasuna eta fidagarritasuna izugarri hobetzen ziren. Gainera, konturatu ziren zirkuitu mikroelektronikoak eraiki zitezkeela, kostuak murrizten eta bolumena handitzen ziren bitartean. Garapen horrek informazioaren iraultza ekarri zuen.

Berrikiago, zientzialariek ikasi dute gailu elektrikoak ez ezik, gailu mekanikoak ere miniaturizatu eta sortatan fabrikatu daitezkeela; zirkuitu integratuen teknologiak mundu elektrikoari eman dizkion onura berberak dakarzkiola mundu mekanikoari. Elektronikak gaur egungo sistema eta produktu aurreratuetarako 'garunak' eskaintzen dituen bitartean, gailu mikromekanikoek kanpoko munduarekin konektatzen diren sentsoreak eta eragingailuak (begiak, belarriak, eskuak eta oinak) eman ditzakete.

Gaur egun, gailu mikromekanikoak funtsezko osagaiak dira produktu-sorta zabal batean, hala nola, autoentzako aire-poltsak, tinta-zorrotadazko inprimagailuak, presio arterialeko monitoreak eta proiekzioa ikusteko sistemak. Argi dago etorkizunean gailu horiek elektronika bezain orokorrak izango direla. Prozesua zehatzagoa bihurtu da, teknologiaren dimentsioak maila submikrometrikora murriztuz, 20 nm baino gutxiagoko zirkuitu mikroelektriko aurreratuetan frogatu zen bezala.

Sistema mikroelektromekanikoak[aldatu | aldatu iturburu kodea]

Siliziozko olata grabatu bat

MEMS terminoa, sistema mikroelektromekanikoak izendatzen dituena, 1980ko hamarkadan sortu zen. Termino honen bidez, txip bateko sistema mekaniko berri eta sofistikatuak deskriba ditzakegu, esate baterako, motor mikroelektrikoak, erresonadoreak, engranajeak, etab. Gaur egun, MEMS terminoa, funtzio mekanikoa duen edozein gailu mikroskopiko aipatzeko erabiltzen da. Adibidez, mikrotxip batean egindako engranaje mikroskopikoen matrize bat MEMS gailutzat hartuko litzateke, baina laser edo erloju-osagai batekin mekanizatutako stent txiki bat ez litzateke izango. Europan, MST terminoa mikrosistemen teknologiarako erabiltzen da, eta Japonian MEMSak "mikromakinak" besterik ez dira. Termino horietako bereizketak nahiko txikiak dira eta askotan berdin erabiltzen dira.

MEMS prozesuak, oro har, hainbat kategoriatan sailkatzen diren arren, milaka MEMS prozesu daude: gainazalen mekanizazioa, kantitate handiko mekanizazioa, LIGA eta EFAB, esate baterako. Batzuek geometria sinple samarrak sortzen dituzte, eta beste batzuek, berriz, 3D geometria konplexuagoak eta aldakorragoak. Aire-poltsetarako azelerometroak egiten dituen enpresa batek diseinu eta prozesu guztiz desberdinak beharko lituzke nabigazio inertzialerako azelerometro bat sortzeko. Azelerometro batetik beste gailu inertzial batera (adibidez, giroskopio batera) aldatzeko, aldaketa handiagoak egin beharko lirateke diseinuan eta prozesuan, eta, seguruenik, erabat desberdinak diren fabrikazio-instalazioan eta ingeniaritza-ekipo batean.

MEMS teknologiak gogo bizia sortu du, aplikazio garrantzitsu asko dituelako. MEMS prozesuek errendimendu- eta fidagarritasun-estandarrak eskain ditzakete, aldez aurretik lortu ezin izan direnak. Dena txikiagoa, azkarragoa eta merkeagoa den garai batean, MEMSek irtenbide sinesgarria eskaintzen dute. MEMSek eragin handia izan dute zenbait aplikaziotan, hala nola, sentsore automotrizeetan eta tinta-injekzioko inprimagailuetan. MEMS industria oso aberatsa da. Azkar haztea eta XXI. mendeko industria nagusietako bat bihurtzea espero da. Cahners In-Stat Group-ek proiektatu zuen MEMSen salmentak 12 mila milioi dolarrekoak izango zirela 2005erako. Europako NEXUS taldeak diru-sarrera handiagoak proiektatu zituen, MEMSen definizio integratzaileagoa erabiliz.

Mikroteknologiak fotolitografia erabiltzen du maiz. Argi-uhinak maskara baten bidez fokuratzen dira gainazal batean. Film kimiko bat solidotzen dute. Filmeko zati leun eta azalgabeak ezabatu egiten dira. Ondoren, azidoak babestu gabeko materiala grabatzen du.

Mikroteknologiaren arrakastarik ospetsuena zirkuitu integratua da. Mikromakinak eraikitzeko ere erabili da. Mikroteknologia are gehiago miniaturizatzen saiatzen diren ikertzaileen adar gisa, nanoteknologia 1980ko hamarkadan sortu zen, bereziki mikroskopia-teknika berriak asmatu ondoren. Ekoitzitako material eta egitura horiek 1-100 nm-ko neurria dute.

Aplikazio-arloak[aldatu | aldatu iturburu kodea]

Produktu mikroteknikoen aplikazio eremuak etengabe aldatzen ari dira. Gaur egun, produktu horiek dira informatika eta telekomunikazioen arloan ugarienak. Era berean, ohikoa da sentsore gisa erabiltzea industrian, ibilgailuetan, aireontzietan eta beste batzuetan. Beraz, adibidez, mikrosentsoreak autoetan instalatzen dira airbagak aktibatzeko sistemaren parte gisa, erregaiaren injekzioetan, esekiduren erregulazioan, balaztetan, pneumatikoen presioa kontrolatzeko, olioaren kalitatea eta motorraren lubrifikazioa eta kabinako airearen kalitatea kontrolatzeko.

Medikuntza-teknologian, oraindik aplikazio-aukerak aztertzen ari dira, batez ere kirurgia minimo inbaditzailearen arloan , zirkulazio-sistemaren tratamenduan eta beste batzuetan.

Teknologia kimikoan eta biokimikoan, mikromezkladoreen, bero-mikrotrukagailuen, mikrofiltrazio- eta mikrodosifikazio-sistemen eta mikroerreaktoreen aplikazioa garatzen ari da. Horiek abantailak erakusten dituzte, piezen azalera/bolumen erlazio handiari, ibilbide laburrei eta erreakzio-denborari esker.

Maila mikroskopikoan eraikitako artikuluak.[aldatu | aldatu iturburu kodea]

Elementu hauek fotolitografia erabiliz egin dira, mikrometro bateko eskalan:

Ikusi gainera[aldatu | aldatu iturburu kodea]

Erreferentziak[aldatu | aldatu iturburu kodea]

Kanpoko loturak[aldatu | aldatu iturburu kodea]

[[Kategoria:Teknologiak motaren arabera]] [[Kategoria:Mikroteknologia]]