Lankide:Arnonoot/Proba orria

Tsitsi Dangarembga

Tsitsi Dangarembga (Bulawayo, Zimbabue, 1959 - ) idazle eta zineasta, afrikako kontinenteko feminismoaren erreferentea izateagatik ezagutua, hala nola, bere lanaren bidez bere herriko errealitate soziala mundu guztian zabaltzeagatik ezagutua.

Biografia

Rodesian jaio zen, gaur egungo Zimbabwen, 1959ko otsailaren 4an, baina haurtzaroaren zati bat Ingalaterran eman zuen. Bere heziketa han hasi bazuen ere, Hartzell High Schoolen amaitu zuen, Umtaliko (gaur egun Mutare) eskola misiolari batean. Ondoren, medikuntza ikasi zuen Cambridgeko Unibertsitatean, baina, Ingalaterran bizi izan zuen arrazakeria eta bakardadearen ondorioz, Zimbabwera itzultzea erabaki zuen bere herrialdearen independentzia baino hilabete batzuk lehenago.

Psikologia ikasi zuen Zimbabweko Unibertsitatean, bi urtez marketin agentzia batean erredaktore lanetan aritu zen bitartean. Esperientzia horri esker, oinarri oso ona lortu zuen idazketan eta erredakzioan. The lost of the soil bezalako lan ugari idatzi zituen eta Zambuko antzerki taldean ere parte hartu zuen, non Katshaa eta Mavambo antzezlanen ekoizpenean parte hartu zuen.

1985ean Suitzan The Letter izeneko istorio txiki bat argitaratu zuen, baita She does not weep in Harare ere, baina 1987an jaso zuen Nervous Conditions eleberriagatik, Commonwealtheko Idazleen Sariaren Afrikako atala irabazi zuena.1989an Afrikako 12 idazlerik onenetakotzat hartzen zuten. Dangarembgak Berlinen jarraitu zituen ikasketak, Deutsche Film- und Fernsehakademie zine eskolan, non zinema zuzendari gisa trebatu zen eta film ugari ekoitzi zituen, baita Alemaniako telebistarako dokumental bat ere.

2002an, edertasun-lehiaketen ugaritzearen ondorioz, Filmen Irudien Jaialdia sortu zuen, emakumeen eta emakumeei buruzko aniztasun narratiboa sustatzeko. 2016ko maiatzean Rockefeller Fundazioaren Bellagio Zentroak hautatu zuen 2015eko Egoitzetako Artisten programagatik.