Lankide:Esteibarjone/Proba orria
Murder Mystery (Espainian Criminales en el mar eta Hispanoamerikan Misterio a bordo) 2019an Netflixen[1] estreinaturiko estatubatuar komedia eta misterio filma da, Kyle Newacheck zuzendurikoa eta James Vanderbiltek idatzirikoa. Happy Madison Productions, Endgame entertainment, Vinson Films, Tower Hill Entertainment, Mythology Entertainment eta Denver and Delilah Productions ekoiztetxeen arteko koproduzio bat da, Netflix izanik filmaren nazioarteko enpresa banatzailea[2]. Filma Jennifer Aniston, Adam Sandler eta Luke Evansek protagonizatzen dute. Izugarri aberatsa den gizon baten hilketan murgildurik amaitzen duen bikote amerikar ezkondu baten ikerketan oinarritzen da filma.
Filma 2019ko ekainaren 14an estreinatu zen Netflixen eta lehenengo hiru egunetan 30.000 ikusle baino gehiagok ikusi zuten mundu osoan zehar. [3] 2019ko uztailean Netflixek publikatu zuen filma 73 milioi etxe desberdinetan ikusi zela lehenengo lau asteetan, kontuan izanda neurketa kontrola filmaren %70a ikustean zegoela[4]. Ordea, bistaratzeak 83 milioi etxeetara iritsi ziren neurketa kontrola lehenengo bi minutuetan ezarri zenean, Netflixen film originalen artean bostgarren postuan kokatuz, Extraction, Bird Box, Spencer Confidential eta 6 Underground filmeen atzetik.[5] Komediak hainbesteko arrakasta izan eta gero, 2019ko urrian Netflixek berretsi zuen filmearen sekuelan lan egiten hasiko zirela. [6]
Sinopsia[aldatu | aldatu iturburu kodea]
Nick eta Audrey Spitz hamabost urte ezkonduta daramatzaten polizia agente eta ile-apaintzailea dira. Ezkontza egunean Nickek zin egin zion Audreyri Europara eramango zuela oporretan eta hamabost urte igaro dira egun seinalatua iritsi arte. Hegazkinean Charles Cavendish bizkonde aberatsa ezagutzen dute eta honek oporrak bere osabaren yatean igarotzera gonbidatzen ditu.
Spitztarrek bilera familiar baten erdian ikusten dute bere burua. Malcolm Quincek, Cavendishen osabak, bere senide eta hurbileko lagunak bildu ditu testamentuaren inguruko mezu garrantzitsu baten berri emateko. Malcolm testamentu berria sinatzen dagoen momentuan hil egiten dute eta Nick eta Audrey susmagarri nagusiak bihurtzen dira. De la Croix inspektorea Spitztarren atzetik ibiliko da hauek paraleloki hilketaren misterioa ebazten saiatzen diren bitartean.
Aktoreak eta pertsonaiak[aldatu | aldatu iturburu kodea]
- Jennifer Aniston: Audrey Spitz
- Adam Sandler: Nick Spitz
- Luke Evans: Charles Cavendish
- Terence Stamp: Malcolm Quince
- Gemma Arterton: Grace Ballard
- David Walliams: Tobey Quince
- Dany Boon: de la Croix inspektorea
- John Kani: Ulenga koronela
- Adeel Akhtar: Maharajah
- Ólafur Darri Ólafsson: Sergei
- Luis Gerardo Méndez: Juan Carlos Rivera
- Shioli Kutsuna: Suzi Nakamura
- Erik Griffin: Jimmy Stern
- Sufe Bradshaw: Holly
- Jackie Sandler: hegaldi laguntzailea
Sari eta nominazioak[aldatu | aldatu iturburu kodea]
| Saria | Urtea | Emaitza | Kategoria | Saritua(k) | Erreferentziak |
|---|---|---|---|---|---|
| People´s Choice Award | 2019 | Irabazlea | Komedia film gogokoena | Murder Mystery | [7] |
| Nominatua | Gizonezko film-izar gogokoena | Adam Sandler | |||
| Nominatua | Emakumezko film-izar gogokoena | Jennifer Aniston | |||
| Nominatua | Komedia filmeko izar gogokoena | Adam Sandler | |||
| Teen Choice Award | 2019 | Nominatua | Aukerako udako filmea | Murder Mystery | [8] |
| Nominatua | Udako filmeko gizonezko aktore onena | Adam Sandler | |||
| Nominatua | Udako filmeko emakumezko aktore onena | Jennifer Aniston |
Erreferentziak[aldatu | aldatu iturburu kodea]
- ↑ (Gaztelaniaz) «Misterio a bordo | Sitio oficial de Netflix» www.netflix.com (Noiz kontsultatua: 2021-02-27).
- ↑ (Gaztelaniaz) SensaCine. Reparto de Criminales en el mar : Equipo Técnico, Producción y Distribución. (Noiz kontsultatua: 2021-03-01).
- ↑ (Ingelesez) «These Are Netflix’s 10 Most Popular Original Movies» Bloomberg.com 2020-07-15 (Noiz kontsultatua: 2021-03-01).
- ↑ (Ingelesez) Hipes, Patrick; Hipes, Patrick. (2019-07-17). «Netflix Reveals Viewer Data For ‘Our Planet’, ‘Dead To Me’, ‘Always Be My Maybe’, More» Deadline (Noiz kontsultatua: 2021-03-01).
- ↑ (Ingelesez) «These Are Netflix’s 10 Most Popular Original Movies» Bloomberg.com 2020-07-15 (Noiz kontsultatua: 2021-03-01).
- ↑ (Ingelesez) «'Murder Mystery' Sequel in the Works at Netflix (Exclusive)» The Hollywood Reporter 2019-10-11 (Noiz kontsultatua: 2021-02-28).
- ↑ (Gaztelaniaz) de 2019, 10 de Noviembre. «Todos los ganadores de los People’s Choice Awards 2019» infobae (Noiz kontsultatua: 2021-03-01).
- ↑ (Ingelesez) «Teen Choice Awards 2019: See the full list of winners and nominees» EW.com (Noiz kontsultatua: 2021-03-01).