Jennifer Aniston
Jennifer Joanna Aniston (Sherman Oaks, Kalifornia, Ameriketako Estatu Batuak, 1969ko otsailaren 11 - ) antzezle, komediante, zuzendari eta zinema ekoizle estatubatuarra da, Friends telesailean Rachel Greenen papera antzezteagatik ezaguna: telesaileko emakumezko aktore onenaren Urrezko Globoa irabazi zuen interpretazio horrengatik, baita [1] Emmy Sari bat eta Aktoreen Sindikatuaren Sari bat ere. Azken bi denboraldietan milioi bat dolar jaso zituen kapitulu bakoitzeko.[2]
Biografia
[aldatu | aldatu iturburu kodea]Jennifer Joanna Aniston New Yorken hazi zen. [3]John Aniston aktorearen eta Nancy Dow aktore eta modeloaren alaba da. [4]Aita greziarra zen, Kretan jaioa eta ama, New Yorken, italiar, eskoziar-kanadar, irlandar, ingeles eta greziar jatorrikoa.[3] Anistonek bi neba-ahizpa ditu, John Melick eta Alex Aniston. Haren aitabitxia Telly Savalas aktorea zen, aitaren lagunik onena zena. Grezian bizi izan zen urtebete, familiarekin eta geroago New Yorkera itzuli. Aita Days of Our Lives, Love of Life eta Search for Tomorrow telenobeletan aritu zen. Aniston Rudolf Steiner [5]eskolan ibili zen eta Manhattan Fiorello H. LaGuardia High School of Music & Art and Performing Arts-eko bigarren hezkuntzan graduatu.[6]
Ibilbidea
[aldatu | aldatu iturburu kodea]Aniston 1990ean Hollywoodera (Los Angeles, Kalifornia) bizitzera joan zenean, lortu zituen lehen rolak telebistan Molloy telesailean eta Camp Cucamongan.[3] Ferris Bueller-en ere protagonista izan zen, 1986ko Ferris Bueller's Day Off film arrakastatsuaren telebistarako egokitzapena. Seriea, ordea, berehala ezeztatu zen. Aniston bi telebista saio barregarritan agertu zen: The Edge eta Muddling Through, Herman 's Head eta Burke' s Law. Agertzen zen hainbat programa bertan behera geratu ondoren, 1993ko beldurrezko filmeko protagonista izan zen, Leprechaunen —kultuzko film bihurtu zen eta haren arrakastak ondorio gehiago sortu zituen, hor antzeztu ez bazuen eree—. [7]Denbora pasatu ondoren Leprechaunen estreinaldian, Anistonek emanaldia uztea pentsatu zuen.
Zinemako ibilbide arrakastatsua du batez ere komedia erromantikoetan: Hollywoodeko hainbat ekoizpen zinematografikotan parte hartu zuen. Kritikaren laudorioak irabazi zituen, She 's the One, Office Space, Friends with Money eta The Good Girl film independenteetan egindako interpretazioengatik. Friends telesaila amaitu ondoren, haren arrakasta komertzial handienak Bruce Almighty, Along Came Polly, The Break-Up, Marley & Me eta He's Just Not That Into You filmak izan dira.[8]
Informazio gehigarria
[aldatu | aldatu iturburu kodea]Telesailetan ere presentzia handia izan zuen, The Rachel ezizenaz ezaguna den ile mozketa ikonikoagatik. Oso ezaguna izan zen garai hartako emakumeen artean.[9] [10]Izan ere, hainbat urtez orrazkera imitatu zen, [11]eta, gainera, Rolling Stone aldizkariak «Estatu Batuetako ilerik onena» izendatu zuen.
Filmografia
[aldatu | aldatu iturburu kodea]Filmak
[aldatu | aldatu iturburu kodea]| Urtea | Izenburua | Papera | Oharrak |
|---|---|---|---|
| 1990 | Camp Cucamonga | Ava Schector | Telefilma |
| 1993 | Leprechaun | Tory Reding | |
| 1996 | She's the One | Renee Fitzpatrick | |
| Dream for an Insomniac | Allison | ||
| 1997 | Picture Perfect | Kate Mosely | |
| 'Til There was You | Debbie | ||
| 1998 | The Object of My Affection | Nina Borowski | |
| 1999 | The Iron Giant | Annie Hughes | ahotsa bakarrik |
| Office Space | Joanna | ||
| 2001 | Rock Star | Emily Poule | |
| 2002 | The Good Girl | Justine Last | |
| 2003 | Bruce Almighty | Grace Connelly | |
| 2004 | Along Came Polly | Polly Prince | |
| 2005 | Rumor Has It | Sarah Huttinger | |
| Derailed | Lucinda Harris | ||
| 2006 | The Break-Up | Brooke Meyers | |
| Friends with Money | Olivia | ||
| Room 10 | - | film laburra, zuzendariordea | |
| 2008 | Management | Sue Claussen | |
| Marley & Me | Jenny Grogan | ||
| 2009 | He's Just Not That into You | Beth | |
| Traveling | Eloise | estreinaldirako datarik gabe | |
| The Switch | Kassie | ekoizpen lanetan |
Telebista
[aldatu | aldatu iturburu kodea]| Urteak | Izenburua | Papera | Oharrak |
|---|---|---|---|
| 1990–1991 | Ferris Bueller | Jeannie Bueller | |
| 1992–1993 | The Edge | Hainbat pertsonaia | |
| 1994–2004 | Friends | Rachel Green |
Gonbidatutako agerraldiak
[aldatu | aldatu iturburu kodea]| Urteak | Izenburua | Papera | Oharrak |
|---|---|---|---|
| 1990 | Molloy | Courtney | 2 atal |
| 1992 | Quantum Leap | Kiki Wilson | "Nowhere to Run" (5. denboraldia, 4. atala) |
| 1992—1993 | Herman's Head | Suzie Brooks |
|
| 1994 | Burke's Law | Linda Campbell | "Who Killed the Beauty Queen?" (1. denboraldia, 4. atala) |
| Muddling Through | Madeline Drego Cooper | — | |
| 1996 | Partners | CPA Suzanne | "Follow the Clams?" (1. denboraldia, 17. atala) |
| 1998 | Disney's Hercules | Charmaine (ahotsa) | "Dream Date" (1. denboraldia, 27. atala) |
| 1999 | South Park | Mrs. Stevens - Choir Teacher (ahotsa) | "Rainforest Schmainforest" (3. denboraldia, 1. atala) |
| 2003 | Freedom: A History of Us | Jessie Benton | "Wake Up America " (1. denboraldia, 4. atala) |
| King of the Hill | Pepperoni Sue/Stephanie (ahotsa) | "Queasy Rider" (7. denboraldia, 13. atala) | |
| 2007 | Dirt | Tina Harrod | "Ita Missa Est " (1. denboraldia, 13. atala) |
| 2008 | 30 Rock | Claire Harper | The One wth the Cast of Night Court (3. denboraldia, 3. atala) |
Erreferentziak
[aldatu | aldatu iturburu kodea]- ↑ (Gaztelaniaz) Tiempo, Casa Editorial El. (2014-09-20). «Friends, 20 años de una comedia que hizo historia» El Tiempo (kontsulta data: 2022-11-01).
- ↑ (Gaztelaniaz) «"Friends", la madre de todas las comedias» vanguardia.com.mx (kontsulta data: 2022-11-01).
- ↑ a b c (Ingelesez) Hellomagazine.com. «Jennifer Aniston. Biography, news, photos and videos» HELLO! (kontsulta data: 2022-11-01).
- ↑ «| PEOPLE.com» web.archive.org 2018-09-21 (kontsulta data: 2022-11-01).
- ↑ (Ingelesez) «A Woman We Love: Jennifer Aniston» Esquire 2007-01-29 (kontsulta data: 2022-11-01).
- ↑ «Jennifer Aniston Biography» web.archive.org 2008-10-05 (kontsulta data: 2022-11-01).
- ↑ (Ingelesez) Canby, Vincent. (1993-01-09). «Review/Film; Pogo Stick, Murders And Gold» The New York Times ISSN 0362-4331. (kontsulta data: 2022-11-01).
- ↑ «Jennifer Aniston» Box Office Mojo (kontsulta data: 2022-11-01).
- ↑ [https://web.archive.org/web/20150223044849/http://www.abc.es/20110120/estilo-gente/abci-jennifer-aniston-corte-pelo-201101201120.html/ «Jennifer Aniston: �El corte de pelo de Rachel (Friends) es el m�s feo que he visto nunca� - ABC.es»] web.archive.org 2015-02-23 (kontsulta data: 2022-11-01).
- ↑ «Jennifer Aniston definitivamente no extraña el corte de pelo The Rachel - E! Online Latino» E! Online 2014-05-15 (kontsulta data: 2022-11-01).
- ↑ (Gaztelaniaz) «Rachel tenía el corte más feo según Jennifer Aniston» El Informador :: Noticias de Jalisco, México, Deportes & Entretenimiento (kontsulta data: 2022-11-01).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q32522
Multimedia: Jennifer Aniston / Q32522