Lankide:Ikerobledo/Proba orria

Nikotina higroskopikoa da, koloregabetik hori-marroira maila du, likido lirdinga bat da, alkoholean edo eterrean disolba daitekeena. Nahaskorra da uretan, bere amina base neutroaren forman, 60°C eta 210°C artean. Base nitrogenatu dibasikoa da, eta balio horiek ditu: K_b1=1.10^—6 eta K_b2=1.10^-11. Azidoekin erreakzionatzean, amonio-gatzak erraz eratzen dituzte, eta horiek solidoak eta uretan disolbagarriak izan ohi dira. Sugar-puntua 95°C-koa da, eta autoignizio temperatura 224°C-koa. Nikotina oso lurrunkorra da (5.5 Pa lurrun-presioa 25°C-tan). Argi ultramorearen edo hainbat agente oxidatzaileren eraginpean egonez gero, nikotina oxidoa, azido nikotinikoa (niacina, B3 bitamina) eta metilamina bihurtzen da.

Nikotina optikoki aktiboa da, eta bi forma enantiomeriko ditu. Nikotinaren itxura naturala lebogiroa da, errotazio espezifikoarekin [α]_D = -166.4° ((-)-nikotina). Dextrogiro forma ((+)-nikotina) fisiologikoki ez da hain aktiboa (-)-nikotina baino, eta (-)-nikotina toxikoagoa da (+)-nikotina baino. (+) -nikotinaren gatzak normalean dextrogiroak dira; protonazioaren ondoren lebogiroaren eta dextrogiroaren arteko eraldaketa hau ohikoa da alkaloideen artean. Klorhidrido eta sulfatozko gatzak optikoki inaktiboak izatera iristen dira 180ºC inguruko ontzi itxi batean berotzen badira. Anabasina nikotinaren egiturazko isomeroa da; biek formula molekular bera dute, C₁₀H₁₄N₂.