Lankide:Uxue06/Proba orria

Dinah Shore, (Winchester, 1916ko otsailaren 29a - Beverly Hills, 1994ko otsailaren 24a), jazz eta herri-musikako abeslari estatubatuarra izan zen.

1930eko hamarkadako big bandetan jardun ondoren, 1940ko hamarkadan, Danih Estatu Batuetako artista ospetsuenetako bat bihurtu zen, musika-arrakasta ugariren interpretazioari esker, hala nola "Buttons and Bows", "The Gypsy" eta "I 'll Walk Alone", eta hurrengo urteetan, hainbat telebista-programatan agertzeari esker.

Biografia

Tennessee estatuan jaio zen, eta nerabea zenean Nashville irratian lan egin zuen. Ibilbide profesionala geroago hasi zuen New Yorken, Xavier Cugatekin abestu zuenean. Benny Goodmanekin eta Tommy Dorseyrekin lan egiteko saiakera huts egin ondoren, abeslari bakarlari bihurtzea erabaki zuen. Bluebird-ekin sinatu zuen 1940-1941ean, eta hainbat arrakasta grabatu zituen, hala nola "Yes, My Darling Daughter", "I Hear a Rhapsody" eta "Jim". 1942an, "Blues in the Night" gaiaren milioi bat ale saldu zituen. Gero, RCA Victor konpainiarekin sinatu zuen, eta arrakasta handia lortu zuen "You 'd Be So Nice to Come Home To" eta 1944an "I' ll Walk Alone" gaiekin. Film batzuetan ere lan egin zuen, adibidez, 1944an Up in Arms eta 1946an Till the Clouds Roll By filmetan.

1946 eta 1949 bitartean, "The Gypsy", "I Love You for Sentimental Reasons", "Anniversary Song", "I Wish I Didn't Love You So", "Buttons and Bows" eta "Dear Hearts and Gentle People" gaiek nabarmendu ziren.

1950eko hamarkadan, The Dinah Shore Chevy Show-ean egindako askotariko telebista-ikuskizunengatik ospetsuagoa egin zen. Ingurune horretan modu irregularrean lan egin zuen 1980. urtera arte.

Obulutegiko minbiziagatik hil zen.

Hautatutako diskografia

• 1960: Dinah Sings, Previn Plays.

• 1960: Somebody Loves Me.