Gamifikazio

Gamifikazioa edo ludifikazioa^[1] esparru akademiko arautuetan jokoak dituen tresnen, dinamiken eta mekaniken erabileran datza. Gamifikazioa^[2], jokoekin zerikusirik ez duten jardueretan jokoen teknikak erabiltzean datza, hartzailearen jarreran aldaketa bat eragiteko.

Honela definitu zuen behin gamifikazioa Juan Ezeizak^[3]:

«

"Gamifikazioa ingeleseko game (jolas) hitzetik dator. Berez, jokoekin zerikusirik ez duten jardueretan jokoen teknikak erabiltzea esan nahi du. Gamifikazioa, hezkuntzaz gain, beste esparru batzuetan aplikatzen da, hala nola, enpresa-munduan, osasunean edo publizitatean. Hezkuntzan hainbat planteamendu posible dago: adibidez, ikastaro oso bat jolas luze bihur daiteke (pertsonaiak, bete beharreko erronkak, puntuak, dominak, taldeak, lehiaketak...) edo bakarrik jarduera batzuk gamifikatu (une batean gurutzegrama, sudoku edo beste jolas bat erabiliz) edo tarteko bide bat har daiteke (saio bakar bat gamifikatuz, jolasak eta teknika didaktiko klasikoak tartekatuz...)".

»

Teknikak[aldatu | aldatu iturburu kodea]

Gamifikazioan, ludifikazioan, erabiltzen diren teknikak ulertzeko hiru kontzeptu klabe izan behar ditugu kontuan: dinamikak, mekanikak eta jokoaren osagaiak.

Mekanikak

Hainbat mekanika existitzen dira, baina ohikoenak honako hauek dira: puntuak, intsigniak, sariak, mailak eta rankinga^[4].

Dinamikak

Mekanikan bezala hamaika dinamika desberdin erabili daitezke ludifikazioan, baina ohikoenak honako hauek dira: ordainsaria, estatusa, onarpena, norbanakoaren adierazpena, joko kooperatiboa, txapelketa eta altruismoa.

Jokoaren osagaiak

Jokoaren osagaik arauak, erabilitako materialak, jokoari ematen diogun estetika, asmatzen dugun istorioa, etab. dira.

Erreferentziak[aldatu | aldatu iturburu kodea]

↑ EAEko Eusko Jaurlaritzako Hezkuntza Saila. (2017). Programazio didaktikoak prestatzeko gida. Eusko Jaurlaritzaren Argitalpen Zerbitzu Nagusia, 38 or..
↑ Txopi. «Gamifikazioa» ikusi-makusi (Noiz kontsultatua: 2016-12-10).
↑ Ezeiza, Juan. «Moodle-ren jarduera motibagarriak sortu eta irakasleen lanerako erabilgarria izango den molde birtuala prestatzea dira ikastaro honen helburuak» UEU (Noiz kontsultatua: 2018/01/11).
↑ Sebastian, et al.. (2011). La ludificación es el uso de los elementos del juego en contextos no lúdicos. .