Lurraren Adiskideen Sarea

Lurraren Adiskideen Sarea
Datuak
Izen laburra	FoEI
Mota	environmental organization (en) , gobernuz kanpoko erakundea eta irabazteko asmorik gabeko erakundea
Jarduera sektorea	environment (en)
Herrialdea	Danimarka
Jarduera
Kidetza	European Environmental Bureau (en)
Eskumendekoak	Jordens Vänner (mul)
Historia
Sorrera	1971
	webgune ofiziala;

Lurraren Adiskideen Sarea mundu osoko erakunde nazionalak biltzen dituen nazioarteko erakundea, helburu nagusitzat ingurumena babestea duena. 1971n sortu zuten Frantzia, Alemania, Suedia, Erresuma Batua eta Estatu Batuetako talde nazionalek. Egoitza nagusia Amsterdamen du. 1994rako 14 milioi kide zituen 50 herrialdetan. Erakundea talde nazional autonomoetan dago egituratuta, eta hauek federazioak agindutakoa onartzen eta betetzen dute.

Helburuak

Erakundeak adierazitako helburuak: gizakiak ingurumenean eragindako kalteak konpontzea, munduko ekologia-, kultura- eta etnia-aniztasuna zaintzea, jendearen parte-hartzea handitzea eta eremu guztietan garapen sostengarria bultzatzea. Hori guztia jendea heziz, presio politikoaren bidez, propagandarekin, protesta bakezaleak eginez eta batzuetan ekintza zuzenak eginez ere lortu nahi dute. Horrez gainera, ezinbestekotzat jotzen dute koordinazioa. Nazio bakoitzak informazio desberdina jasotzen duela eta ikuspegi desberdina duela kontuan harturik, erakundea gune garrantzitsua da horiek denak bildu, eztabaidatu eta nazioarteko ekimenak proposatzeko. Informazioa bata besteari adierazteaz gainera, esperientziak, ezagutzak eta baliabideak ere trukatzen dituzte, eta kide nazional bakoitzaren garapenei laguntza eskaintzen diete. Nazioarteko kanpainetan airearen eta uraren kutsaduraz, ozono-geruzako kalteaz, klimaren aldaketaz, arrisku nuklearraz, oihan galtzeaz, eta itsas bizitza galtzeko arriskuaz ohartu nahi dute jendea.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.