Makatzaga jauregia

Makatzaga jauregia
	Kultura ondasuna
	Alde Zaharra (Zarautz)
	Makatzaga jauregiaren ikuspegi orokorra.; Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Zarautz
Koordenatuak	43°17′09″N 2°10′35″W / 43.28582°N 2.17646°W
Historia eta erabilera
Eraikuntza	XVI. mendea
Arkitektura
Estiloa	arkitektura gotikoa; pizkundetar arkitektura
Ondarea
BIC	RI-51-0001598
	7

Makatzaga jauregia Gipuzkoako Urola Kosta eskualdeko Zarautz udalerrian dagoen jauregi bat da. Gipuzkoako kultura ondasunen zerrendan sailkatua dago.

Eraikina[aldatu | aldatu iturburu kodea]

Estilo gotikoko hiri-etxe gotortu hori inguruko eraikin bakarra zen jatorrian. Zarautzek ez zuen harresirik, baina herrigunea babesteko zenbait dorretxe izan omen zituen. Makatzaga etxeak, hain justu, funtzio hori zuen hiriaren hegoaldeko sarreran, nahiz eta ez izan dorretxe bat zentzu hertsian esanda^[1]. Beheko solairuan, ogiba-arkua duen sarrera bat ikusten da. Aldiz, goiko solairuak adreiluz eta egurrezko egituraz eginda daude. Baoak eta aurrealdearen kanpoko itxura aldatu egin dira denboran zehar, eta atzeko eta alboetako fatxadetan iraun dute hobekien eraikinaren XVI. mendeko jatorrizko ezaugarriek: leiho konopialak, gezileihoak, gargolak (teilatuetako ura isurtzeko ubideen azken zatia), etab. Fatxadako ezproi solidoek (alboko kontrahormak) eusten zioten egurrezko hegalez osatutako egiturari, fatxadan ateratzen diren zenbait modiloitan (hegal baten pisua eusteko pieza) ezartzen dena.