Mendekostismo

Mendekostismoa^[1] 1886ean Estatu Batuetan sortutako higikunde protestante fundamentalista da; haren jarraitzaileei mendekostear^[1]^[2] edo mendekostista^[1] deritze.

Mendekostismoaren arabera, kristau guztiek Espiritu Santuarekin bataio-bizipen berezi bat bizi eta mendekostismora bihur daitezke. Bizipen horren ezaugarriak Espiritu Santua Mendekoste egunean apostoluei agertu zitzaien pasartetik hartuak dira. Pasarte hartan Espiritu Santuak hizkuntza guztietan mintzatzeko dohaina eman zien apostoluei eta mendekostismoaren jarraitzaileek sendatzeko, igarpenak egiteko dohaina eta naturaz gaindiko beste dohain batzuk dituztela diote, pasarte hari jarraituz.

Higikunde honek indar handia hartu zuen Britainia Handian, Eskandinavian eta Brasilen batez ere.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ ^a ^b ^c Berria Estilo Liburua. mendekostismo. .
↑ Mario Escobar (2017). Protestantismoa Euskal Herrian, 40. or., 3. lerrok.: Hirurak ziren eliza mendekostear finlandiarren ministerioaren fruitua. Eliza haiek haziak ziren XX. mendearen zehar Estatu Batuetako eliza mendekostearren artean gertatuak ziren berpizkundeen ondoren.