Nanna Aakjær

Nanna Aakjær
	; Irudi gehiago
Bizitza
Jaiotzako izen-deiturak	Nielsine Juliane Jensen Krog
Jaiotza	Måbjerg Parish (en) , 1874ko urtarrilaren 23a
Herrialdea	Danimarka
Bizilekua	Jenle (en)
Heriotza	Skive Hospital (en) , 1962ko abuztuaren 4a (88 urte)
Familia
Ezkontidea(k)	Jeppe Aakjær (1907 -
Seme-alabak	ikusi Esben Aakjær (en) ;
Hezkuntza
Heziketa	Konstfack (en)
Jarduerak
Jarduerak	wood carver (en) eta sufragista

Nielsine Juliane (Nanna) Aakjær, sortzez Krog (Store Døes Manor, Danimarka, 1874ko urtarrilaren 23a - Skive, 1962ko abuztuaren 4a) daniar arotz eta zuraren eskultorea zen. Stalling penintsulan zegoen Jenle etxean bizi izan zen bere senar Jeppe Aakjærrekin, 1907an ezkondu zirenetik, eta etxe horren diseinuan eta barne-dekorazioan parte hartu zuen. Nanna Aakjær aktiboa zen, halaber, emakumeen aldeko sufragismoaren elkarteko ekintzailea zen; elkarte horrek Jenlen bilerak antolatzen zituen 1908tik aurrera.^[1]^[2]. 1910etik aurrera Jenlen antolatzen zituen jai-bilera herrikoiek jarraipena dute egun ere, abuztuaren hasieran.^[3]

Biografia[aldatu | aldatu iturburu kodea]

Nielsine Juliane Krog Holstebro ondoan dagoen Store Døes Manorren jaio zen, 1874ko abenduaren 23an.^[4] Gurasoak Andreas Jensen Krog arotza eta Maren Jensdatter Døesen zituen; 15 seme-alaba izan zituzten, eta horietatik sei haurtzaroan hil ziren. Bere familian, neskek mutilen hezkuntza bera zuten. Zurgintza eta zuraren eskultura ikasi zituen bere aitarengandik, zeinak familia-jaurerriko tailer batean lan egiten zuen. Aitak osasun kaskarra zuela eta, auzoko etxetxo batera joan zen bizitzera, eta Nielsinek konpainia egin eta lanean laguntzen zion.^[2]

Aita 1887an hil ondoren (Nannak 13 urte zituen orduan), familiaren lagunen seme-alabez arduratu zen Skιrum Mølle herrian, Vembetik gertu; gainerako familia, berriz, Kopenhagera joan zen bizitzera. Geroago, bera ere Kopenhagera joan zen familiarengan. Bertan, anaiekin arotz-ikastaro bat egin ondoren, -Tegne- og Kunstindustriskolen pour Kvinders eskolan, arotz-diploma lortu zuen, 1895ean. Stockholmeko Eskola Teknikoan jarraitu zuen ikasten.^[2] Bi bekari esker, Londresera joan da ikastera, eta Goteborgeko Nääs gazteluko Arte Eskolako ikastaro bat egin zuen.^[2] Londresen, Europako joera artistikoak ezagutu zituen, eta Ingalaterran emakumeek zituzten arazo sozial eta politikoak deskubritu. 1898an, amaren etxera itzuli zen bizitzera, Kopenhagera, eta zur kualifikatuko eskultore gisa lan egin zuen.^[5]

1902an, Jeppe Aakjær idazlea ezagutu zuen. Maitemindu egin ziren, baina Jepperen eta Marie Bregendahlen arteko dibortzioak asko iraun zuen. Azkenean, Kopenhageko udaletxean ezkondu ziren, 1907ko apirilaren 25ean.^[5]^[6] Nanna Krogek egin zituen Jenleren lehen marrazkiak, arkitektura-diseinuaren lana Povl Baumann lagunaren esku utzi aurretik. Barnealde koloretsuak ere diseinatzen zituen. Nanna eta Jeppe ezkondu berehala lekualdatu ziren Jenlera, eta han bizi izan ziren hil arte.^[1] Nannak eta Jeppe Aakjærrek bi seme-alaba izan zituzten: Solveig Bjerre eta Espen.

Nanna Aakjær aktiboa zen, orobat, Kvindevalgretsforeningen Danimarkako Emakumeen Sufragiorako Elkartean, eta, 1908tik aurrera, bilerak antolatzen zituen Jenlen.^[1] 1910ean Jenlen antolatzen hasi zen jai-bilerak abuztuaren hasieran ospatzen dira urtero.^[3]

1930eko apirilaren 22an senarra hil zitzaion, eta Nannak Jenlen jarraitu zuen bizitzen. 1961ean, Solveig alabari saldu zion jauretxea.^[6] Skiveko ospitalean hil zen, 1962ko abuztuaren 4an.^[7]