Oinezko bide

Oinezko bidea oinezkoentzat eraikitako bidea da, oro har beste bideak baino estuagoa, espaloia ez dena eta beste ibilgailuetarako debekatua edo mugatua, gehienetan hiritarrak paseatzeko prestatua. Beste batzuetan eraikin edo kale batetik besterako zeharbide moduan eraikitzen dira. Herriak komunikatu eta txango luzeak egiteko oinezko bideak ere badaude. Maiz, segurtasunagatik hesiz bereizi eta seinaleztatu egiten dira.