- Artikulu hau PSOE alderdiaren sortzaileari buruzkoa da; Podemos alderdiaren sortzailea gaitzat duena beste hau da: «Pablo Iglesias Turrión»
Pablo Iglesias Posse (Ferrol, 1850eko urriaren 18a - Madril, 1925eko abenduaren 9a) espainiar politikaria, sozialismoaren figura nagusia. PSOE (1879) eta UGT (1888) sortu zituen, eta bietako presidentea izan zen.
Langile-familia batean jaio zen. Tipografoa izan zen lanbidez. Hogei urte zituela, Nazioarteko Langileen Elkartean izena eman zuen eta La solidaridad aldizkarian artikuluak idazten hasi. 1879an, PSOE alderdia eratu zuen ezkutuan; urte berean, El Socialista egunkaria sortu zen, eta bera izendatu zuten zuzendari. Ondorengo urteetan, bere ardurapean izan zituen PSOE alderdia, UGT sindikatua eta alderdiaren egunkaria eta, aldi berean, II. Internazionalaren biltzarretan parte hartu zuen. 1905 arte Espainiako alderdi sozialistak urte latzak izan zituen (grebak, kartzela, zigorrak) eta hauteskundeetako emaitzak ez ziren onak izan. Hala ere, 1905ean Madrilen bi zinegotzi sozialista hautatuak izan ziren, egoitza berria ireki zuten eta 1910ean, Espainiako Kongresuko diputatu hautatua izan zen Pablo Iglesias. Parlamentuko diputatu gehienak aurka zituenez gero, salaketak egiteko erabili zuen bere kargua. Osasun txarrak ez zion han luzaroan parte hartzen utzi, baina eragin handia izan zuen hil arte bere alderdiko buruzagi gazteengan. Pablo Iglesias hil ondoren, Espainiako alderdi sozialista hedatu egin zen eta bera izan zuen, bere idatzi eta hitzaldien bitartez batez ere, ideologo nagusia.
Espainia
.svg){kind=small}
