Rafael de la Hoz Arderius

Rafael de la Hoz Arderius
Bizitza
Jaiotza	Madril, 1924ko urriaren 9a
Herrialdea	Espainia
Heriotza	Madril, 2000ko ekainaren 13a (75 urte)
Hezkuntza
Heziketa	Madrilgo Unibertsitate Politeknikoa
Hizkuntzak	gaztelania
Jarduerak
Jarduerak	arkitektoa
Jasotako sariak	ikusi Meritu Zibileko Ordenaren Gurutze Handia (1973) ; [[]] (1995) ;
Kidetza	San Fernandoko Arte Ederren Errege Akademia

Rafael de la Hoz Arderius (Madril, 1924 - ib., 2000) espainiar arkitektoa izan zen.

Arkitektoen semea zen. Umetan Kordobara joan zen bizitzera familiarekin, eta han igaro zituen urte gehienak. Madrilen egin zituen arkitektura-ikasketak, eta gero Cambridgeko Massachusetts Institute of Tecnologyn osatu zituen. Espainiako Gerra Zibilaren ondorengo arkitekto nagusietako bat izan zen. Haren lan onenen artean aipagarriak dira, beste askoren artean, Aguinas Ikastetxea (García Paredes arkitektoarekin elkarlanean), Almanzorreko kapera mudejarraren eraberritze-lana, Sierra Morenako Turris Eburnea monasterioa, Castellana kaleko Castelar eraikina (Madril), Sevillako Erakusketa Unibertsaleko Pabiloi Olinpikoak, eta Espainiako Olinpiar Batzordearen egoitza. Espainiako Arkitektoen Batzorde Gorenaren lehendakari izan zen zenbait aldiz, eta 1986an Arkitektoen Europar Batzordeko lehendakari hautatu zuten. 1995ean, Arkitekturako Antonio Camuñas saria jaso zuen.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q3394165
Multimedia: Rafael de La-Hoz Arderius / Q3394165