San Andres eliza (Ageza)

San Andres eliza
Kokapena
Herrialdea	Euskal Herria
Probintzia	Nafarroa Garaia
Udalerria	Ezporogi
Koordenatuak	42°34′16″N 1°25′12″W

San Andres eliza Oibar ibarreko Ezporogi udalerriko Ageza kontzejuan XVIII. mendeko kristiau eliza bat da.

Eraikina

Baserri-giroko eliza da, XVIII. mendekoa, eta harriz egina. Habearte bakarra du, burualdea burualde zuzena eta kanpandorrea oinaldean. Alboetan kapera bana atxikitzen dira, kanpoaldetik nabarmenak direnak, bai eta sakristia ere, epistolaren aldeko burualdetik gertu dagoena. Elizara alde horretatik bertatik sartzen da; estalkia kanoi-gangaz eta lunetoz egina dago. Erretaula nagusia modernoa da, eta San Migel Goiaingeruaren tailu bat gordetzen du koroatzean, barroko berantiarreko estilokoa, antzinako erretaula nagusiari dagokiona, desagertua. Estilo eta garai berekoa da XVIII. mendeko epistolaren aldeko kaperan dagoen gurutziltzatuaren tailua duen aldarea. Sakristian, beste objektu batzuen artean, bere kalitateagatik nabarmentzen da Santa Marinaren tailu fin bat (XVI. mendea, Pizkundekoa), Ageza kontzejuan dagoen izen bereko ermitatik datorrena. Zurez egina – baseliza horren titularra, zalantzarik gabe –, bere polikromia eta urre-koloreko originalak egoera onean mantentzen ditu.

Erreferentziak

• Nafarroako Entziklopedia Handia | AGEZA. (Noiz kontsultatua: 2021-12-16).

Ikus, gainera

• Ageza
• Ezporogi
• Oibar

Kanpo estekak

• Datuak: Q111652979