Solartekua jauregia

Wikipedia, Entziklopedia askea
Jump to navigation Jump to search
Solartekua jauregia
Markina, Palacio de Solartecua.JPG
Kokapena
Herrialdea  Euskal Herria
Probintzia  Bizkaia
Herria Markina-Xemein
Koordenatuak 43° 16′ 03″ N, 2° 29′ 55″ W / 43.267372°N,2.49859°W / 43.267372; -2.49859Koordenatuak: 43° 16′ 03″ N, 2° 29′ 55″ W / 43.267372°N,2.49859°W / 43.267372; -2.49859
Historia eta erabilera
Irekiera1666
Erabiltzailea Markina-Xemeingo Udala

Solartekua jauregia Bizkaiko Markina-Xemein udalerriko Alde Zaharrean kokatzen den jauregia da. 1666an Lucas Longak eraikitako eraikuntza barrokoa da.

Jauregia erabat berritu zuten eta gaur egun jauregi hau Markina-Xemein udalerriko udaletxea da. Mugartegi Jauregia izenaz ere ezagutzen dena.

Barroko erako eraikina da. Juan Jose Fernandez de Mugartegi Mañozcak aginduta eraiki zen, 1.666 urtean Berriatuatik Markinara bizi izatera etorri zena. Harlanduz eginda dago, eta beheko solairuko sarrera ateburuduna (dintelduna) da, frontoi oker eta banatu bat duelarik. Solairu noblean, berriz, ateburu gaineko hiru balkoiak eta Mugartegui-Laca eta Mañozca abizenen armarriak. Gorengo pisuan barandak ditu. Amaitzeko, erlaitz sendo batek eta teilatu hegal zabal batek burutzen dute eraikina.[1]

Teilatu hegala hori handia da, eta kareharri landuz eginiko erlaitzak eusten dio (molduraz apainduta dago). Mendebaldeko aldean, bi balkoi ditu, aurrekoen antzekoak, eta gorengo solairuan, galeria bat nabarmentzen da (zirkuluerdiko hiru bao ditu). Atzeko aldean, lehen solairuaren parean, zubi bat zuen lehen, etxea eta lorategia lotzeko (egun, aparkalekua dago lorategiaren ordez). Lorategia izan zen leku horretan, garai hartako kiosko bat dago, lau angelukoa.[2]

Erreferentziak[aldatu | aldatu iturburu kodea]

  1.   Solartekua jauregia Markina-Xemeingo Udala . Noiz kontsultatua: 2017-12-03 .
  2.   Markina-Xemein hiru,eus . Noiz kontsultatua: 2017-12-03 .
Jauregia gau euritsuan

Kanpo loturak[aldatu | aldatu iturburu kodea]

Euskarazko Wikipedian bada atari bat, gai hau duena:
Euskal Wikiatlasa