The Great Train Robbery

The Great Train Robbery
	Irudi gehiago
Jatorria
Sortzailea(k)	Edwin Stanton Porter
Argitaratze-data	1903
Izenburua	The Great Train Robbery
Jatorrizko hizkuntza	ingelesa; baliorik ez
Jatorrizko herrialdea	Ameriketako Estatu Batuak
Ezaugarriak
Genero artistikoa	lapurreta filma, Westerna, ekintza-filma eta film mutua
Iraupena	12 minutu
Kolorea	zuri-beltzekoa
Egile-eskubideak	jabetza publiko
Deskribapena
Honen parte da	National Film Registry (en)
Kokapena
Bilduma	New Yorkeko Arte Modernoaren Museoa
Grabazio lekua(k)	New Jersey
Zuzendaritza eta gidoia
Zuzendaria(k)	Edwin Stanton Porter
Gidoigilea(k)	Edwin Stanton Porter
Antzezlea(k)
	Alfred C. Abadie ; Broncho Billy Anderson ; Justus D. Barnes ; Marie Murray ; J. Barney Sherry ; Morgan Jones
Ekoizpena
Ekoizlea	Edwin Stanton Porter
Konpainia ekoizlea	Edison Studios (en)
Edizioa	Edwin Stanton Porter

The Great Train Robbery (euskaraz Tren Lapurreta Handia) 1903ko Edwin S. Porter estatubatuarrak zuzendu, ekoitzi eta idatzitako western film mutu bat da. 1896ko Scott Marble antzerkigilearen antzezlan batean oinarritua dago, gainera 1900ean Butch Cassidy bidelapurrak burututako tren lapurretan ere oinarritua egotea baliteke. Alfred C. Abadie, Broncho Billy Anderson eta Justus D. Barnes aktoreek antzeztu zuten.

Garai hartan Porter lanbidez Edison Studios ekoiztxean kameralaria zen.

Estatubatuar zinemako lehenbiziko ekintza filmatzat jotzen da, bai eta aurreneko western filma ere.

Western bat izan arren New Jerseyko Milltown udalerrian filmatu zen eta denera 8 sekuentzia eta 12 minutuko iraupena du.

Film honetako eszenan ospetsuenetako bat Justus D. Barnes aktorea pantailan eserita eta aurez-aurre ikuslegoari aurpegi mehatxagarriz begiratuz pistolarekin tiro egiten duenekoa da, eszena labur honek ez zuen argumentuaren kontakizunarekin inongo loturarik era filmaren hasieran ala amaieran pantailaratzen zen. Noski, zinemaren hastapenaren aroa izanik eta jendea oraindik ere zinemaren efektu bisual berriak ikustera batere ohitu gabea zegoenez, eszena hark ikusleengan sekulako zirarra eta harridura eragiten zuen, eta lagun gutxiko aurpegia zuen bibotedun pistolari hark tiro egitean ikusle asko izutu edo ustekabeak eraginda jauzi egin, eta zinemaren lasterka irten zenik ere egon zen, bere bizian arriskuan ikusi zuelakoan.

Aktoreak

Alfred C. Abadie: Sheriffa
Broncho Billy Anderson: Bidelapurra / Bidaiari tirokatua / Tenderfoot Dancer
Justus D. Barnes: Kamarari tiro egiten dion bidelapurra
Walter Cameron: Sheriffa
Donald Gallaher: Mutikoa
Frank Hanaway: Bidelapurra
Adam Charles Hayman: Bidelapurra
John Manus Dougherty, Sr.: Laugarren bidelapurra
Marie Murray: Dantzalekuko dantzaria
Mary Snow: Neskatoa
George Barnes (krediturik gabe)
Morgan Jones (krediturik gabe)

Kanpo estekak

IMDBko fitxa irakurgai (Ingelesez)

Datuak: Q470329
Multimedia: The Great Train Robbery / Q470329