Tolosako abesbatza-lehiaketako irabazleak

Abesbatza, korua, orfeoia edo korala ahotsa besterik erabiltzen ez duen musika-talde mota bat da.

Osaera

Abesbatzak ahots-mota desberdinetan antolatuta egoten dira harmonia sortzeko. Ahots-erregistroaren arabera banatuta egoten dira (ahots altu eta grabeen arabera). Nagusiki, lau ahots-mota dira:

• Ahotsik altuenak sopranoak dira. Gehienetan emakumeak edo haurrak izaten dira, ahots oso altu eta argia dutenak.
• Hurrengoak kontraltoak dira, ahots grabeagoa duten emakumeak izaten dira.
• Gizonezko ahotsen artean, tenorrek errregistro altuak abesten dituzte, ahots distiratsu eta indartsuak izaten dutenak.
• Baxuek, berriz, ahots grabeena dute, soinuari sendotasuna ematen diona.

Batzuetan mezzosopranoak (soprano eta kontraltoaren artean) edo baritonoak (tenore eta baxuaren artean) egoten dira, barietate handiagoa egoteko.

Ahots mota bakoitzaren erregistroa, piano-notetan adierazita

Abesbatzak mistoak (gizonak eta emakumeak) edo berdinak (gizonezkoak bakarrik edu emakumezkoak bakarrik) izan daitezke.

Ahots bakoitzak musika-lerro desberdin bat abesten du, eta harmonia-efektua lortzen da aldi berean abestean. Entseguetan, erritmoa eta afinazioa landu ohi dira. Koruek hainbat estilo interpretatzen dituzte, batez ere musika klasikoa eta musika folklorikoa edo herrikoia.

Abesbatza-motak

Ume batzuk pianoaren inguruan abesten

Abeslarien adinaren eta generoaren arabera, honelako abesbatza-motak bereizten dira:

• Haur abesbatza edo ahots zurien abesbatza
• Emakumezkoen abesbatza
• Gizonezkoen abesbatza
• Abesbatza mistoa (gizon eta emakumeak)

Abeste motak

Abesbatza batek instrumentuz lagunduta edo gabe abestu dezake. Laguntzarik gabe egiten dutenean, a cappella abesten dutela esaten da. Instrumentuekin kantatzen dutenean, musika tresna bakar batekin izan daiteke (askotan pianoarekin), baina talde instrumental txiki batekin edo baita orkestra sinfoniko batekin ere izan daiteke.