Gorgonia zuria Ozeano Atlantikoan eta Mediterraneoan aurkitzen den koral mota bat da.

Izena

Izen zientifikoa Eunicella verrucosa da. Verrucosa izenak "garatxo ugari duena" esan nahi du, izan ere adarrek korapilo ugari dituzte.

Deskribapena

Gorgonia zuria.

Koral hau oso adarkaturik dago. Hosto zapal baten itxura hartzen du. Metro erdi neurtzera iritsi daiteke. Adarrak zuriak dira, batzuetan laranjak edo arroxak ere bai.

Adarretan polipo txiki asko daude bi lerrotan kokatuta.

Bizitokia

Itsaso hondoko arrokatan itsasten dira.

Elikadura

Polipoek garro txikitxoak dituzte eta haiekin uretan dauden planktona eta bestelako partikulak harrapatzen dituzte.

Ugalketa

   Ba al dakizu   

Gorgonia zuriak ilargi betea den udako gauetan askatzen ditu arrautzak ugaltzeko.

• 

Ekaina eta uztaila artean askatzen ditu arrautzak eta itsasoko korronteak eramaten ditu. Halako batean itsaso hondoan pausatzen dira eta gorgonia berri bat sortzen da.

Adar bat hautsi egiten bazaio adar horretatik gorgonia zuri berria ere sortu daiteke.