Lehenengo jaunartze
Lehenengo jaunartzea Eliza katolikoko sakramentu bat da, ume bat lehen eukaristia jasotzeko adin egokira heltzen denean egiten dena. Oro har, umeak 7 edo 8 urte dituenean egiten da, behin katekesia bukatu duenean eta behar bezala prestatuta dagoenean.
Lehenengo jaunartzea oso une berezia da umeentzat eta baita euren familientzat ere. Izan ere, umearen kristau bizitzako urrats garrantzitsua da. Lehenengo jaunartzea egitean, umeek lehen aldiz jasotzen dute eukaristia eta Eliza katolikoko bizimoduan osoki parte hartzen hasten dira.
Baina lehenengo jaunartzearen aurretik, umeek katekesia eginez prestatu behar dute, alegia, doktrina katolikoa eta eukaristiaren garrantzia ulertzeko ikasketa prozesua eginez. Honi buruz ikasten dute umeek katekesian: Jesusen bizitzaz, Bibliaz, sakramentuez eta otoitz egitearen eta bizitza espiritualaren garrantziaz.
Lehenengo jaunartzea ospakizun oso handia izaten da eta elizan ospatzen da, familia eta lagun minak bertan daudela. Umeak jantzi berezi bat janzten du eta apaizak edo diakonoak ostia sagaratua ematen dio. Horren ostean, ospakizun-festa bat egiten da.