Lentoia

Lentoia bisigu arruntaren antza duen arrain hezurduna da.

Izena

Lentoiak hainbat izen ditu, alikota, Elantxoben, allueta Bermeon eta elefante zaharra Getarian.

Bere izen zientifikoa, Pagellus acarne. Pagellusek, papera esan nahi du latinez, eta acarnek berriz, haragitsua da. Ondorioz, oso zapala eta haragi onekoa, jateko modukoa dela esan nahi du.

Deskribapena

Lentoiaren ilustrazio zientifikoa.

7 urte arte bizi daitezke.

Gorputzean bi kolore tartekatzen ditu; arroxa eta zilarra. Honez gain, urre koloreko distirak ere baditu. Gorputza eta bizkarraldeko hegatsa, luzeak ditu. Bularraldeko hegatsean puntu gorri oso ilun txiki bat du. Hegatsek kolore gorria dute.

Burua borobila du. Begi handiak ditu, baina, ahoa, berriz, txikia. Azken honen barrualdean laranja kolorea nagusitzen da bertan, hiru ilara hortz dituztelarik.

Bizitokia

Ozeano Atlantikoaren ipar-ekialdean aurkitzen da. Azoreetan, Madeiran, Kanarietan eta Cabo Verde uhartedian ere bizi da, baita Mediterraneo itsasoan ere.

Elikadura

Arrain orojaleak dira, honenbestez, algaz gain, itsas zizarez eta molusku eta krustazeo txikiez elikatzen dira.

Ugalketa

Arrautzak ur azalera iristean jaiotzen dira Larbak. Hauek ar bezala jaiotzen dira, eta heltzean beraien sexua aldatu eta eme bihurtzen dira.

Sukaldaritza

   Ba al dakizu   

Bisiguaren antzeko arraina den arren, ez da hau bezain preziatua.

• 

Haragi zaporetsua du. Jateko modu asko daude, gisatuan, labean erreta edo marinatuta. Parrillan ez da sukaldatzen, oso lehorra geratzen baita.