Txikipedia:Maialen Chourraut

👶 Jaiotza 1983ko martxoaren 8a Lasarte-Oria

🔨 Lanbidea kayaklari

📷 Argazkiak ikusi

Maialen Chourraut Iurramendi - (Lasarte-Oria, 1983ko martxoaren 8a) - euskal kirolaria da, ur bizietako kayak (K1) probatan aritzen dena. Atletico San Sebastian taldekoa da. Miguel Indurain eta bera dira joko olinpikoetan urrea lortu duten euskal kirolari bakarrak.

Maialen Chourraut lasartearraren kirol-merituen omenez, Lasarte-Oriako Kiroldegi Munizipalaren izena, “Lasarte-Oriako Maialen Chourraut Kiroldegi Munizipala” izango da.

Ibilbidea

12 urterekin hasi zen piraguismoan Atletico San Sebastian klubean. 2000an Munduko Txapelketan parte hartu zuen lehen aldiz, eta hurrengo urtean, Espainiako selekzioan sartu zuten. 21 urterekin, Europako txapeldunorde izan zen. 2009ko Munduko Txapelketan bigarren eta 2011koan hirugarren gelditu ondoren, 2012an Londresko Olinpiar Jokoak bere arrakasta handiena izan ziren, brontzezko domina lortuz. 2013an ama izan eta lehiatzeari utzi zion.

2016an azkenik Rioko Olinpiar Jokoetan urrezko domina eskuratu zuen. Bakarka lortu izan duen lehen euskal emakumea da.

Emaitzak

Urtea	Txapelketa	Lekua	Postua
2007	Munduko Txapelketa	Brasil	14.a
2007	Munduko Txapelketa	Brasil	7.a
2008	Olinpiar Jokoak	Txina	16.a
2009	Munduko Txapelketa	Katalunia	2.a (zilarrezko domina)
2009	Munduko Txapelketa	Katalunia	11.a
2011	Munduko Txapelketa	Eslovakia	3.a (brontzezko domina)
2012	Olinpiar Jokoak	Erresuma Batua	3.a (brontzezko domina)
2015	Munduko Txapelketa	Erresuma Batua	5.a
2015	Munduko Txapelketa	Erresuma Batua	9.a
2016	Olinpiar Jokoak	Brasil	1.a (urrezko domina)