Photinia x fraseri Rosaceae familiako zuhaixka bat da. Lorategian ikusten da landare apaingarri gisa. Photinia glabarra eta Photinia serratifolia landareen arteko hibrido bat da.
Deskribapena[aldatu | aldatu iturburu kodea]
Zuhaixka konpaktua da baina tente hazteko joera du. Hostoak iraunkorrak dira, sortu berritan gorri-gorriak dira eta ondoren kolore iluna hartzen dute, udaberrian batez ere.
Lore zuri txikiak dauzka, bost petalo dituztenak eta multzo handitan ateratzen direnak. Udaberriaren amaieran loratzen da Photinia x fraseri.
Zuhaixkak 5 metroko altuera eta bost metroko diametroa har dezake. Hotzari ongi eusten dio, -5 °C eta -10 °C tenperaturei ere aurre egiteko gai da.
Landaketa[aldatu | aldatu iturburu kodea]
Itzalak ez dio kalterik egiten, baina lur egokia behar du hazteko. Neguko haize hotzaren aurrean babestea komeni da.
Aldaerak[aldatu | aldatu iturburu kodea]
Landare hibridoa izanik, aldaera ugari ditu, baina denetan ezagunena Txantxangorri gorria deitzen dena da.