Txikipedia:Xabiroi zuri
Aurkezpena
[aldatu | aldatu iturburu kodea]Xabiroi zuria (Trachinus draco) Trachinidae familiako itsas arraina da.
Deskribapena
[aldatu | aldatu iturburu kodea]35 cmko inguruko luzera duen gorputz luzea eta zanpatua du arrain honek. Ahoa oso handia eta laprana da eta buruaren atzealdean arantza pozoitsuak azaltzen ditu. Koloreari dagokionez, bizkarraldea arre-berdexka da, alboak eta sabelaldea, ordea, zurixkak. Alboetan arre eta hori koloretako lerro zeihar ugari azaltzen ditu.
Elikadura
[aldatu | aldatu iturburu kodea]Arrain txikiek eta itsas ornogabeek osatzen dute bere elikadura.
Bizitokia
[aldatu | aldatu iturburu kodea]Xabiroi zuria hondo hareatsuetan eta lohitsuetan erdi lurperatua bizi da 150 metroko sakoneraraino. Atlantikoko kostaldean, Senegaletik Norvegiaraino, eta Mediterranioan aurki daiteke.
Xabiroi zuriaren pozoiak hedatzen joaten den mina sortzeaz gain, hantura, goragalea, sukarra eta, kasu larrienetan, konbultsioak eta arnas gutxiegitasuna, eragin ditzake.