Zuberoa Aznárez

Zuberoa Aznárez
Bizitza
Jaiotza	Iruñea, XX. mendea
Herrialdea	Nafarroa Garaia, Euskal Herria
Hezkuntza
Hizkuntzak	gaztelania
Jarduerak
Jarduerak	abeslaria
Ahots mota	light-lyric soprano (en) mezzosopranoa
Musika instrumentua	ahotsa

Zuberoa Aznarez Mauleón heavy metaleko abeslari mezzosopranoa da, Diabulus in Musica taldeko abeslari eta musikagilea.

Bizitza

Abeslaria eta konpositorea. 8 urte zituela hasi zen musikan solfeoa, zeharkako txirula eta ondoren kantu lirikoa ikasten Iruñean.

Alcalako Unibertsitatean (Madril) hitz egin eta abestutako ahots profesionalaren errehabilitazioan eta hobekuntzan espezialista da, eta Historian lizentziaduna eta Artean diplomaduna Nafarroako Unibertsitatean. Historialari eta abeslari gisa, kantu historikoarekiko interes berezia garatzen hasi zen, eta, ondorioz, kantu errenazentista eta barrokoari buruzko zenbait ikastaro egin zituen eta koralista zein bakarlari gisa abestu zuen antzinako musikako hainbat formazio klasiko, opera eta ensembletan. Ahotsaren aukeretan gero eta interes handiagoa duenez, rocka, metala, jazza eta ingurugiro-musikako taldeekin proiektuak abiarazten ditu. Horrez gain, beste teknika batzuetan sakontzea erabaki du eta Estill Voice Training-eko bi mailak ikasi ditu Bartzelonan. Esperientzia honek guztiak aldakortasun handia ematen dio bere ahotsari.

Aldi berean, Diabulus in Musica metal sinfonikoko taldearen sortzaile, konpositore eta moldatzailea da, eta lau disko grabatu ditu orkestra eta koru moldaketa propioekin, nazioartean Metal Blade Records (AEB) eta Napalm Records (Austria) zigilu ospetsuek editatu dituztenak. Bi lan horiekin taldeak hainbat sari lortu ditu, eta kritikak bere ahotsa genero honetako onenetakotzat jo du, nazioartean estiloko erreferentziazko banden artean kokatu dituelarik. Horrek eszenatokia izen handiko artistekin partekatzeko aukera eman dio taldeari, Europa eta Latinoamerika osoan zehar egindako bira ugaritan.

Gainera, euskal mitologiari buruzko diziplinarteko literatura-proiektu baterako soinu-banda sortu du, eta NUPeko Archivo del patrimonio inmaterial de Navarra Katedrarekin elkarlanean ari da haurrentzako kantutegi herrikoia oinarri hartuta material didaktikoak garatzen; horretarako, musika-laguntzak eta konponketak egiten ditu duela hiru urtetik.

Estudioko abeslaria ere bada eta hainbat generotako artistekin kolaborazioak egin ditu. Besteak beste, Graham Bonnet (Rainbow), EDU Falaschi (Angra), Jonas Hansson (Silver Mountain), Lynn Meredith (Kansas), Zack Stevens (Savatage), Dougie White (Ritchie Blite).

Duela gutxi, Diabulus in Musica taldearen laugarren diskoa argitaratu da, Europako beste bira luze batean aurkeztu dutena, eta abeslariaren lehen bakarlari lana ere argitaratu berri dute. Folk eta ingurugiro musikatik edo New Agetik gertu dagoen proiektu berri bat da, non Zuberoak hainbat instrumentu grabatu dituen (harpa, whistles, flauta eta gitarrak), soinu epiko eta aingeru ahotsezko paisaia koloretsu bat sortuz, giro- eta orkestra-musikatik melodia zeltiarretaraino doan bilduma zabal batean. Gainera, bere lehen proiektu osoa da ekoiztetxe bezala, lan hau bere estudioan grabatu, nahastu eta masterizatu baitu.

Gaur egun, abeslari gisa eta irakasle gisa dihardu, eta ahots-teknikako eskolak ematen ditu Iruñeko Eugenia Echarren Kantu Eskolan.

Musika-karrera

Zuberoako aurreko taldea, Dragon Lord, 2006an desintegratu zenean (grabatutako bere albuma ezin argitaratuz), Diabulus in Musica sortu zuen bere senarra izango zen Gorka Elsorekin (Dragon Lord ohia), beranduago bi seme-alaba izan zituelarik. Bere lehen albuma, Secrets, 2010ean argitaratu zen eta Ad Sluijterrek nahastu zuen. Ordutik, 5 disko kaleratu dituzte, Mark Jansen, Maite Itoiz, Ailyn eta Thomas Vikström bezalako gonbidatuekin.

DiMrekin batera, Zuberoak beste bi taldetan abesten du: Dryades, folk eta new age proiektuetan, eta Tragul, 2017an sortutako metal sinfonikoko proiektuan. Beyond the Threshold lehen diskoa 2017ko martxoan argitaratu zen. Dark Sarahk gonbidatu du zuzenean abesteko, eta 2018an berriz gonbidatu zuten The Golden Moth disko berrian abesteko, La Máscara de Hierroren paperean.

Proiektuak

Proiektu propioak

• Diabulus in Musica (Symphonic Metal/2006 – Gaurkotasuna)
• Dryades (World Music – Celtic/2016 – Gaurkotasuna)
• Zuberoa Aznarez bakarka (New Age – NEO Folk) Lehen diskoa: Beyond the Threshold

Beste proiektu batzuk

• Tragul (Power metal/2016 – Gaurkotasuna)
• Ensemble de música antiguo 'Elfenthal' (2014 – Gaurkotasuna)
• Michael Navarrus kapera errenazentista (2011-2015)
• Nafarroako Ganbera Korala (2009-2015)
• Iruñeko Ganbera Korala (2017 – Gaurkotasuna)

Iraganeko proiektuak

• Stardust Reverie Project (Rock sinfonikoa/2014 – 2015)
• Voidwork (Dark Ambient/2010)
• Jazz duet (Jazz/2009)
• Dragon Lord (Power Metal/2002 – 2005)
• Dilema (Rock/2000 – 2002)

Diskografia

• Zuberoa Aznarez Beyond the Threshold (Otsaila 2017)
• Diabulus in Musica Dirge for the Archons (2016ko azaroa) Released by Napalm Records
• Diabulus in Musica Argia (2014) Released by Napalm Records
• Diabulus in Musica Itzalen sua (2012) Released by Gaumin
• Diabulus in Musica The Wanderer (2012) Released by Napalm Records
• Diabulus in Musica Secrets (2010) Released by Metal Blade Records
• Dragoi Lord Through the Time (2006) Released by Goimusic
• Dilema Sarerik gabeko jauzia (2002)

Lankidetzak

• Dark Sarah - The Golden Moth (Iraila 2018)
• Eguna Mageiak (2017ko maiatza)
• HYDRA - Sol Empire (Abendua 2016)
• Cantus Lunaris - Formosus Fons (2015)
• Carthagods (Ekaina 2015)
• Stardust Reverie Proclamation of Shadows (2015eko urria)
• Alborea (Urtarrila 2015)
• Asymmetric - Insanity (2014)
• Diskelion - Remember sorrow (Azaroa 2014)
• Stardust Reverie Ancient Rites of the Moon Released by Avispa (2014)
• Hiverland The Dreamcatcher (2013)
• Voidwork - Basement (2011)

Zuzeneko DVDa

• Metal Female Voices Fest The Live Experience (2011)

Kanpo estekak

• https://web.archive.org/web/20201203165141/https://www.zuberoaaznarez.com/bio-2/

• Datuak: Q54864626