Habedun zubi

Habedun zubia zubi motatik sinpleena da: luzetarako habeak ditu, estribuetan eta pilareetan bermatuta.[1] Bao bat edo gehiago izan dezake.[2] Zura, altzairua edo hormigoia erabiliz egiten dira.
Egitura
[aldatu | aldatu iturburu kodea]Habedun zubirik sinpleena enbor bat izan daiteke, zurezko ohol bat, edo harlauza bat.[2] Garraio azpiegituretan, habeak estribuen eta pilareen gainean jartzen dira zubi osoan zehar, eta taula habeen gainean bermatzen da.[1] Gaur egun, altzairuz edota hormigoi armatuz egiten dira.
Historia
[aldatu | aldatu iturburu kodea]
Historiaurreko gizakiek natura imitatuz eraiki zituzten lehenbiziko habedun zubiak: hasieran eroritako zuhaitzez baliatuko ziren errekak gurutzatzeko, eta geroago eurek botako zituzten komeni zitzaien lekuetan. Zubiei buruzko lehenbiziko agiri ezaguna Herodotok idatzi zuen, K.a. 484an: K.a. VIII. mendean Eufratesen gainean egurrez eta harriz eraikitako zubi baten berri ematen du.[2]
Antzinako erromatarrek ospe handia dute harrizko eta hormigoizko arku-zubi bikainak egin zituztelako, baina habedun zubiak ere eraiki zituzten. Izan ere, Antzinako Erromako zubirik zaharrenak, K.a. VII. mendean eraikitakoak, Pons Sublicius izena zuen, "egurrezko habez egindako zubia" esan nahi duena.[2]
Erromatarrak lehenbizikoak izan ziren ur-hesiak erabiltzen zubien zutabeak eraikitzeko. Hesi biribil bat izaten zen, egurrez egina eta buztinez forratua, ibai-zolaren gainean ezartzen zutena. Ondoren, ura ateratzen zuten ponpen bitartez, eta lehortutako esparru hori zementuz betetzen.[2]
Erreferentziak
[aldatu | aldatu iturburu kodea]- ↑ a b Ercilla, Abel. Partes de un puente: Cimentación, subestructura y superestructura. ulmaconstruction.es (Noiz kontsultatua: 2025-1-10).
- ↑ a b c d e Beam Bridge Facts, History and Design. historyofbridges.com (Noiz kontsultatua: 2025-1-8).
Kanpo estekak
[aldatu | aldatu iturburu kodea]- (Frantsesez)(Ingelesez)(Alemanez) Structurae: Die größte internationale Datenbank für Bauwerke und Bauingenieur·innen, structurae.net
- (Gaztelaniaz) Puente viga, puentemania.com