Agora Filosofia Elkartea

Agora Filosofia Elkartea
Datuak
Mota	irabazi asmorik gabeko elkartea
Herrialdea	Euskal Herria
Agintea
Legezko forma	elkarte
Historia
Sorrera	2015
	webgune ofiziala;

Artikulu hau elkarteari buruzkoa da; greziar poliseko bilguneak gaitzat duena beste hau da: «Agora»

Agora Filosofia Elkartea filosofia babesteko eta sustatzeko asmoz 2015ean sorturiko elkartea da. ^[1] Hasieran hezkuntza curriculumean filosofiaren presentzia gutxitzearen erabakiaren aurka borrokatzeko sortu bazen ere, gaur egun hezkuntza arautuan, eta hortik kanpo, filosofiaren aldeko hainbat ekimen antolatzen dituen eragilea da.^[2]

Sorrera[aldatu | aldatu iturburu kodea]

Espainiako gobernuak, 2015ean, Wert legearekin hezkuntza-planetatik filosofiako orduak murrizteko joerari aurre egiteko asmoz sortu zuten elkartea.

Ekimenak[aldatu | aldatu iturburu kodea]

Bideo hau Ikusgela proiektuaren parte da. Bideoak dituzten artikulu guztiak ikus ditzakezu hemen klik eginez gero.

Simone de Beauvoirren bizitza eta pentsamenduari buruzko bideoa, Agora Elkartearekin elkarlanean egindakoa.

Olinpiada filosofikoak[aldatu | aldatu iturburu kodea]

2018an Deustuko Unibertsitatearen, EHUren, Agora Elkartearen eta REFaren laguntzarekin sortu zen ekimena da. Urtero gai bat aukeratzen da, eta horren bueltako dilemen gaineko lehiaketa dialektikoa osatzen da.

Pentsatu! jaialdia[aldatu | aldatu iturburu kodea]

Joxe Azurmendi Katedrarekin batera Donostiako Hezkuntza, Filosofia eta Antropologia Fakultatean antolatzen den jardunaldia da. Azaroko hirugarren astean antolatu izan ohi da, eta batez ere filosofiako irakasleentzako formazio aukera eta elkargunea izaten da.^[3]

Emakumeak filosofian[aldatu | aldatu iturburu kodea]

Filosofiaren historian emakumeen presentzia sustatzeko ekimena. Ikuspegi kritiko batetik curriculumean eta testu liburuetan emakumeek izan duten presentzia exkaxa salatzen dute, eta horri buelta emateko, hainbat material sortu izan dituzte. Esaterako, Jakinekin batera "Filosofiatik ezabatutako emakumeak" liburuxkak^[4], eta Ikusgela ekimenarekin batera Hannah Arendt eta Simone de Beauvoirren bideo pedagogikoak.^[5]

Kafe & Pote filosofikoak[aldatu | aldatu iturburu kodea]

Galdera batetik abiatzen diren saio kolektiboak. Modu informalago batean, kafe edo pote baten aitzakipean, lasai hitz egin eta filosofia gizarteratzeko elkargunea.^[6] Besteak beste, Tolosaldean eta Goierrin egin izan dituzte saioak.