Ainize Txopitea

Ainize Txopitea
Bizitza
Jaiotza	Donostia, 1977ko urriaren 13a (46 urte)
Herrialdea	Gipuzkoa, Euskal Herria
Jarduerak
Jarduerak	diseinatzaile grafikoa eta artista bisuala

Ainize Txopitea Zendoia (Donostia, 1977ko urriaren 13a) diseinatzaile grafikoa, artista bisuala eta arte-komisarioa da.

Biografia

Daniel Txopitea eta Begoña Zendoiaren alaba bakarra, goimailako ikasketak Londresen burutu zituen. 2002an bertako University of The Arts London College of Communication-en Diseinua eta Komunikazioan lizentziatu zen.

Poesia bisualeko lanak plazaratuz eman zion hasiera bere ibilbide artistikoari eta teknika ugarirekin esperimentatuz jarraipena: pintura, collagea, fotomuntaia, idazketa…

Instalakuntza multidiziplinarrak dira sarritan bereak, hitzak, pintzelkadak, orbanak eta errekorteak konbinatzen dituztenak, eta hitz egiten dute emakumeen rolaz, biolentziaz, pertsonen arteko sentimendu eta harremanez… Bere artelanek hausnarketara bultzatzen dute, maitasuna, natura, identitatea, kaosa edota ordena bezalako kontzeptuak ardatz hartuta.

Sormen jardueraz gain erakusketak eta arte tailerrak antolatu eta komisariotzen ditu.

2005etik dihardu bere artelanen erakusketak egiten, bakarkako zein taldeko eta ugariak dira ere eskeini dituen hitzaldi eta parte hartutako mahai-inguruak. Aitaren lan artistikoan sakonduta, bien obra uztartuz ere hainbat erakusketa aurkeztu ditu.

Sariak

• 2023an, Zarauzko udaleko Berdintasun sailaren Martxoaren 8ko kartela irabazi zuen, "Memoria emakumea gizartean" izenburuarekin aurkeztuz

Kanpo estekak

• Datuak: Q124317657