Alberto Fujimori

Alberto Ken'ya Fujimori Fujimori (Lima, 1938ko uztailaren 28a-) japoniar jatorrizko politikari ohi perutarra da. 10 urtez herrialdeko presidentea izan zen, 1990etik 2000 arte.

Alan García ordezkatu zuen boterean 1990ko uztailaren 28an, Mario Vargas Llosa idazle eta beste hautagai nagusia zenari hauteskundeak irabazi ostean. Haren agintaldiko lehenengo urteetan neurri ekonomiko zorrotzak hartu zituen, Peru nolabait suspertzea lortuz. Bestela, Sendero Luminosoren aurkako borroka ere tinkoa izan zen.

Haren amaiera politikoa ustelkeriak ekarri zion, bai eta giza eskubideekin erakutsitako mespretxuzko jarrerak ere. Izan ere, 2009an 25 urteko zigorra ezarri zioten gerra zikinarekin lotu ostean, batik bat 1990eko hamarkadan egindako bahiketak eta erailketak ezkertiar gerrilari perutarrekin. 2010ean gehitu zioten beste zigor bat funts-desbideratzeagatik.

Epaiak gora-behera, herritarren zati esanguratsu batek Fujimori presidente ohia oraindik sostengatzen zuen.