All the President's Men (filma)

All the President's Men (euskaraz Presidentearen Gizon Guztiak) 1976ko Alan J. Pakula estatubatuar zinema zuzendariaren thriller filma bat da. 1974ko Carl Bernstein eta Bob Woodward kazetarien All the President's Men eleberrian oinarrituta dago, hain zuzen ere, filma honek AEBtako Richard Nixon presidentea dimititzera derrigortuarazi zuen Watergate auziaren ikerketa kontatzen du. Bertan, Robert Redford, Dustin Hoffman, Jack Warden, Martin Balsam, Hal Holbrook, Jason Robards eta Jane Alexander aktoreek antzeztu zuten.

Filmak zortzi Oscar Sarietarako izendapenak jaso zituen, azkenean lau irabaziz: Zuzendaritza artistiko onenaren Oscar Saria (George Jenkins eta George Gaines), Egokitutako gidoi onenaren Oscar Saria (William Goldman), Soinu onenaren Oscar Saria (Arthur Piantadosi, James E. Webb, Les Fresholtz eta Dick Alexandereta) Gizonezko bigarren aktore onenaren Oscar Saria (Jason Robards).

Argumentua

1972an AEBtako The Washington Post egunkariko Bob Woodward (Robert Redford) eta Carl Bernstein (Dustin Hoffman) kazetari gazteek Alderdi Demokrataren Washington Hiriko egoitza bortxatzea edo indarrezko sartzeari buruzko kasua ikertzen hasiko dira. Biek burututako aurkikuntzek Watergate auzia piztuko dute, honek Richard Nixon presidentearen dimisioa ekarriko zuelarik.

Aktoreak

• Dustin Hoffman: Carl Bernstein
• Robert Redford: Bob Woodward
• Jack Warden: Harry M. Rosenfeld
• Martin Balsam: Howard Simons
• Hal Holbrook: Zintzur Sakona/Deep Throat
• Jason Robards: Ben Bradlee
• Jane Alexander: Juddy Hoback
• F. Murray Abraham: Paul Leeper sarjentua
• Ned Beatty: Martin Dardis
• Stephen Collins: Hugh Sloan
• Penny Fuller: Sally Aiken
• Robert Walden: Donald Segretti

Kanpo loturak

• All The President's Men filmaren IMDBko fitxa irakurgai (Ingelesez)