Autoglotonimo
Autoglotonimo esaten zaio herri batek bere hizkuntzari ematen dion izenari. Askotan, herri honek eta bere hizkuntzak daukaten harremanaren inguruko datu soziolinguistikoak atera daitezke hemendik, esaterako castellano / español bikotea gaztelaniaren kasuan, asturianu / llionés asturierari erreparatuz, edo valencià / català bezalako bikoteek egoera soziolinguistikoaren berri ematen dute.
Autoglotonimoa hiztunek bere hizkuntzari ematen dioten izenari esaten bazaio, kanpotarrek, auzotarren hizkuntza jakin bati ematen dioten izenari heteroglotonimoa esaten zaio[1].
Adibidea. 'Euskara' hitza autoglotonimoa da eta lekuan lekuko hitzaren aldaera guztiak ere bai. Bestalde, 'vasco, 'vascuence', 'basque' eta auzoko hizkuntzetan erabili diren izenak heteroglotonimoak dira.