Begoña Enbeita

Begoña Enbeita
	;
Alkate	;
Alkate
Bizitza
Jaiotza	Muxika, 1975eko ekainaren 25a (48 urte)
Herrialdea	Bizkaia, Euskal Herria
Familia
Anai-arrebak	ikusi Onintza Enbeita;
Hezkuntza
Heziketa	Euskal Herriko Unibertsitatea ; Mondragon Unibertsitatea
Hizkuntzak	euskara; gaztelania
Jarduerak
Jarduerak	politikaria, psikologoa eta orientatzailea
Enplegatzailea(k)	Eusko Jaurlaritzako Hezkuntza, Hizkuntza Politika eta Kultura Saila
Sinesmenak eta ideologia
Alderdi politikoa	Euskal Herria Bildu; Euskal Herritarrok

Begoña Enbeita Maguregi (Muxika, Bizkaia, 1975ko ekainaren 25a) psikologoa eta politikaria da.

2023ko ekainaren 17an Muxikako alkate bilakatu zen, bigarren aldiz, 2023ko udal hauteskundeen ondoren, Euskal Herria Bildu koalizioaren hautagaitza gailentzearen ondorioz.^[1]

Biografia[aldatu | aldatu iturburu kodea]

Begoña Enbeita Muxikan jaio zen eta bertan bizi.da. Gurasoak ere muxikarrak ditu Enbeita sendikoak. Hiru ahizpa dira, bera nagusiena, ondoren Andere eta Onintza.

Ikasketak[aldatu | aldatu iturburu kodea]

Begoña Psikologian lizentziatua da Euskal Herriko Unibertsitatean eta Hezkuntza Berezian diplomatua Mondragon Unibertsitatean.

Lan ibilbidea[aldatu | aldatu iturburu kodea]

Eskola laguntza behar zuten eta arazo emozionalak zituzten umeei laguntzen eman zituen zenbait urte. Ondoren hezitzaile jardun zuen eta egun irakasle eta orientatzaile lanak egiten ditu hezkuntza publikoan.

Politikari[aldatu | aldatu iturburu kodea]

1999tik 2003ra Euskal Herritarrok koalizioko zinegotzia izan zen Muxikako udalean. 2003an ezin izan zuen aktarik hartu ilegalak zirelako Ezker Abertzaleko zerrendak, eta udaletik bidali egin zuten parte hartze modu guztiak ukatuta beste bi zinegotzirekin batera.

Muxikako alkate bilakatu zen 2019ko udal hauteskundeen ondoren, Euskal Herria Bildu koalizioaren hautagaitza gailendu zenean.

2023ko udal hauteskundeetan Bizkaiko 28 udalerritako zerrenden buru izateko hautapen prozesuari ekin zion EH Bilduk eta Muxikako zerrenda buru Begoña Enbeita Maguregi hautatu zuten ^[2]2023ko udal hauteskundeetan berriz, bigarren aldiz, bilakatu zen jaioterriko alkate.

Ekintzaile[aldatu | aldatu iturburu kodea]

Oxygastra Curtisii emakume taldean parte hartzen du 2013an sortu zenez geroztik, Muxika, Gorozika eta Ibarruriko hainbat emakumerekin batera. Ibarruriko Baso Txoritxu dantza taldeko kide aktiboa ere bada, Begoña.