Blagoevgrad probintzia
Blagoevgrad probintzia edo oblast-a | |
---|---|
| |
Hiriburua | Blagoevgrad |
Antolaketa Bulgariako barrutia
|
14 udalerri |
Eremua | 6.449,5 km² |
Biztanleria | 341.173 |
Dentsitatea | 52,89 bizt/km² |
Blagoevgrad probintzia (bulgarieraz област Благоевград), Bulgariako oblastetako bat da, herrialdeko hego-mendebaldean. Pirin-go Mazedonia izenez ere ezagutzen da. Mugan ditu hauek: iparraldean, Kiustendil eta Sofia probintziak, ekialdean, Pazardzhik probintzia, hegoaldean Grezia, eta mendebaldean Mazedoniako Errepublika.
Geografia
Probintziak 6.449,5 km²-ko azalera dauka, eta 341.173 biztanle zituen 2001. urtean. Bulgariako hirugarren lurralde handiena da, Burgas eta Sofiaren ostean.
Erliebe aldakorra dago lurraldean barrena: mendikateetan, Rila Mendiak, Pirin Mendiak eta Rodope Mendiak dira aipatzekoak; haranetan daude, ostera, lurraldeko herrigune nagusiak, Struma eta Mesta ibaien ibarretan. Lurraldeko ibai-garraio nagusia ere ibar horietan gauzatzen da.
Klimari dagokionez, kontinentala eta mediterraneoa dago lurraldean. Baliabide natural nagusiak egurra, ikatza, marmola eta granitoa dira. Lurraldearen %52 inguru basoak dira, eta nekazaritzako soroak %38.
Banaketa administratiboa
Udalerri hauek daude:
- Bansko
- Belitsa
- Blagoevgrad
- Garmen
- Gotse Delchev
- Hadzhidimovo
- Kresna
- Petrich
- Razlog
- Sandanski
- Satovcha
- Simitli
- Strumyani
- Jakoruda
Kanpo loturak
Wikimedia Commonsen badira fitxategi gehiago, gai hau dutenak: Blagoevgrad probintzia |
- Blagoevgrad probintziako webgunea (bulgarieraz eta ingelesez)