Brainscan

Brainscan
Jatorria
Argitaratze-data	1994
Izenburua	Brainscan
Jatorrizko hizkuntza	ingelesa
Jatorrizko herrialdea	Ameriketako Estatu Batuak, Kanada eta Erresuma Batua
Banatze bidea	eskatu ahalako bideo eta direct-to-video (en)
Ezaugarriak
Genero artistikoa	beldurrezko zinema, teen film (en) , zientzia-fikziozko filma, film dramatikoa eta misteriozko zinema
Iraupena	96 minutu
Kolorea	koloretakoa
Grabazio lekua(k)	Montreal
Zuzendaritza eta gidoia
Zuzendaria(k)	John Flynn (en)
Gidoigilea(k)	Andrew Kevin Walker
Antzezlea(k)
	Edward Furlong ; Frank Langella ; David Hemblen (en) ; Amy Hargreaves ; T. Ryder Smith ; Jamie Marsh ; Vlasta Vrána (en) ; Domenico Fiore (en) ; Tod Fennell (en) ; Michèle-Barbara Pelletier (en) ; Dean Hagopian (en)
Ekoizpena
Edizioa	Jay Cassidy (en) ; Phillip Linson (en)
Bestelako lanak
Musikagilea	George S. Clinton
Argazki-zuzendaria	François Protat (en)
Fikzioa
Kontakizunaren tokia	New Jersey
Argumentu nagusia	informatika eta telepresence (en)

Brainscan, 1994ko John Flynn estatubatuar zinema zuzendariak zuzendutako zientzia-fikziozko film bat da. Gidoia Brian Owens eta Andrew Kevin Walker gidoilariek idatzi zuten. Edward Furlong, Frank Langella, Amy Hargreaves, Jamie Marsh eta T. Ryder Smith aktoreek antzeztu zuten. Soinu-banda George S. Clinton musikagileak konposatu zuen.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Michael Brower (Edward Furlong) fantasiarako joera eta bere aitaren etxean isolaturik bizi den 16 urteko nerabea da. Haurra zela bere amarekin batera auto istripua izan, ama hil eta bera hanka batetik elbarri gelditu zen. Bideo-jokoetan jokatu eta beldurrezko filmak ikusteko zaletasun handia du, gainera bere bizilaguna eta adin beretxukoa den Kimberly (Amy Hargreaves) neskari jazarpena egiten dio.

Michaelen lagun bakarra Kyle da (Jamie Marsh). Behinola, Kylek Michaeli Brainscan bideo-joko ultraerrealistiko berriaz mintzatuko zatzaio. Bideo-jokoak jokalariari bizitzan inoiz izan duen bizipen beldurgarriena izango duela ziurtatzen omen du. Berehala, Michaeli bideo-jokoaz izugarrizko jakinmina piztu eta erosi egingo du.

Bideo-jokoa hasi eta ordenagailuaren pantailan ohar bitxi bat agertuko da, honetan jokoa hipnosiaren antzekoa dela ohartzen da. Bideo-jokoan agertzen den pertsonaia nagusia Tranpatia (T. Ryder Smith) deritzona da, honek Michaeli hiltzaile psikopata baten paperean joka dezan eskatuko dio. Michaelek bideo-jokoan pertsona ezezagun bat hil eta haren hanka saria bailitzan jasoko du.

Halere, handik gutxira Michaelek izuturik berak bideo-jokoan birtualki hildako pertsona ezezagun hura errealitatean bizi zen pertsona bat zela eta eraila izan dela ohartuko da, bai eta bideo-jokoan agertzen den hiltzailea benetazko munduan ere bizi eta hiltzen duela.

Kylek Michaeli bideo-jokoa laga dezala eskatuko dio, baina Michaelek bere lagunaren eskakizunari uko egingo dio. Hortik aurrera Tranpatia delakoa Michaeli bizia ezinezkoa egiten hasiko zaio, eta Michaelen logelan bideo-jokoaren doinua den Primus taldearen musika entzungo da...

Aktoreak[aldatu | aldatu iturburu kodea]

Edward Furlong: Michael Brower

Tod Fennell: Michael Brower haurra

T. Ryder Smith: Tranpatia (jatorrizko ingelesezko bertsioan Trickster)
Frank Langella: Hayden detektibea
Amy Hargreaves: Kimberly
Jamie Marsh: Kyle Hilliard

Kanpo estekak[aldatu | aldatu iturburu kodea]

IMDBko fitxa irakurgai (Ingelesez)

Datuak: Q897449