Bretxa (geologia)

Wikipedia(e)tik
Hona jo: nabigazioa, Bilatu

Geologian, bretxa bat, arroka zatizko konglomeratu bat da, zementu natural batez elkartuta daudenak.

Hiru bretxa mota ezberdintzen dira. Bretxa sedimentarioetan, harriak, hezurrak, maskorrak eta beste gorputz batzuk, sedimentu oso finezko mantu batekin lurperatuak izan dira, solidotutakoan, bere baitan estekatu dituenak. Tilita, adibidez, glaziare bretxa bat da, morrena baten errekarriak buztin geruza sendo batekin estalitakoan eratutakoa. Aldi berean, minolita bretxa tektonikoaren adibide bat da: faila baten bi ezpainak beste baten gainean irristatzerakoan, marruskadura handiaren ondorioz sortutako presioak eta beroak, arroka xehetu dute. Hauen zatirik handienak, ondoren, aglomeratuak geratu dira, txikienek eratutako hautsaren birkristalizazioagatik. Azkenik, sumendi bretxak, arroka bolkanikoen higakinetaz osaturik daude, erupzioetako labak zimentatuak izan direnak.

Commonsen badira fitxategi gehiago, gai hau dutenak: Bretxa (geologia) Aldatu lotura Wikidatan