Carbisdaleko gaztelua

Carbisdaleko gaztelua
	Carbisdaleko gazteluaren aurrealdea; Irudi gehiago
Kokapena
Estatu burujabe	Erresuma Batua
Herrialdea	Eskozia
Eskoziako kontseilu gunea	Highland
Ur-masa	Kyle of Sutherland (en)
Koordenatuak	57°55′32″N 4°24′31″W / 57.9256°N 4.4086°W
Historia eta erabilera
Irekiera	1910
Erabilera	Ostatua
Arkitektura
Estiloa	Scottish baronial architecture (en)
Ondarea
	LB7165

Carbisdaleko gaztelua (ingelesez: Carbisdale Castle) Eskoziako Highland eskualdean kokatzen den gaztelua da, Carbisdale herrian.

Historia[aldatu | aldatu iturburu kodea]

1905 eta 1917 artean eraiki zen Mary Caroline Sutherland-eko dukesarentzat.

Mary Caroline aurrez Blair dukesa izenarekin ezagutu zen, Arthur Kindersely Blair kapitainaren alarguna baitzen Sutherlandeko dukearekin ezkondu zenerako. Sutherland familiak ez zuen begi onez ikusi ezkontza hori eta dukea hil zenean haren semearen eta dukesa berriaren arteko istilua sortu zen testamentuari zegokionean. Epaileak dukesa agiriak suntsitu izana leporatuta Londresen giltzaperatu zuen. Azkenean familia eta dukesak adostasuna lortu zuten eta gaztelu bat eraikitzeko adina diru eman zion beti ere Sutherlandeko lurraldetik urrun baldin bazen.

1933an Theodore Salvesen negoziogizon eskoziar-norvegiarrak erosi zuen eta Bigarren Mundu Gerra garaian naziek Norvegia okupatu zutenean Haakon VII.a Norvegiakoak eta haren seme Olav printzeak bertan hartu zuten babesa. 1941ean Carbisdaleko konferentzia antolatu zuen eta tropa sobietarrei Norvegiara sartzeko baimena eman zien bertan.

Theodore Salvesen hil zenean haren seme Haroldek jaso zuen gaztelua eta honek Scottish Youth Hostels Association (Eskoziako gazteen aterpetxeen elkartea) erakundeari eman zion. Aterpeak 1945ean reki zituen ateak.

Bitxikeriak[aldatu | aldatu iturburu kodea]

Carbisdaleko gazteluak 365 leiho ditu eta dorreak hiru aldetan dauka erlojua, baina Sutherlandeko norantzan dagoen horman ez.

Artelan ugari ditu, zaharrenak 1680 urtekoak. Italiatik ekarritako marmolezko estatua ugari ere badaude barnean. Estatua bat bira araziz ate sekretu bat zabaltzen da.

Gazteluan hainbat mamu daudela esaten da eta hainbatetan ikertzaileak ibili izan dira bertan. Zuriz jantzitako emakume bat, Carbisdaleko guduko soldadu bat eta gazteluko lorezaina izan zena ere aipatzen dute.