Chinoy

Chinoy
	; Irudi gehiago
Bizitza
Jaiotza	San Antonio, 1982 (41/42 urte)
Herrialdea	Txile
Hezkuntza
Hizkuntzak	gaztelania
Jarduerak
Jarduerak	abeslaria eta gitarra-jotzailea
Genero artistikoa	herri-musika
Ahots mota	kontratenorra
Musika instrumentua	gitarra; ahotsa

Mauricio Enrique Castillo Moya, izen artistikoz Chinoy (San Antonio, Valparaiso, 1981eko urtarrilaren 11) txiletar kantautore, poeta eta margolaria da.

Ibilbidea[aldatu | aldatu iturburu kodea]

Bere haurtzaroan Placillan bizi zen, San Antonion, non bertako Don Nadie punk bandan hasi zen jotzen. Talde horrekin batera 2005ean Loquero argentinarrak teloneatu zituen, eta hauek entzun ondoren La Platan denboraldi bat pasatzera gonbidatu zuten Chinoy. 2007an Valparaisora joan zen, artea ikastera. Handik gutxira, ikasketak utzi zituen eta bere abestiak jotzen hasi zen, Pajarito, La Cantera edo Chinasky bezalako tabernetan. Berehala, prentsaren arreta piztu zuen eta "Bob Dylan txiletarra" bezala hartu zuten, gitarra jotzeko modu ekaiztsuagatik, bere ahots androginoagatik eta babesgabetasunez betetako trova egiteagatik. Manuel Garcíak entzun zuenean, Valparaisoko Kultura Kontseiluan aurkezpen bat irekitzera gonbidatu zuen, eta beste bat Espainiako Kultur Zentroan, Santiagon. 2007an, Chinoyk Concepción, Puerto Montt, Punta Arenas, Valparaíso eta Santiagoko agertokiak bisitatu zituen eta "Carne de gallina" abestiarekin agertu zen Rock Eskolen konpilatorioan.