Christchurch

Christchurch
Christchurch hiria Port Hills menditik ikusita.
Maorieraz	Ōtautahi
Estatua	Zeelanda Berria
Eskualdea	Canterbury eskualdea
Koordenatuak	43°31′48″S 172°37′13″E
Christchurch
Eremua	452 km2
Garaiera	0-920 m
Biztanleria	372.600 bizt.
Dentsitatea	824,34 bizt./km²
www.ccc.govt.nz

Christchurch edo Ōtautahi (maorieraz "Tautahiren lekua") Zeelanda Berriko bigarren hiririk handiena da, Auckland ondoren.

Hego Uhartearen ekialdeko kostaldean eta Canterbury eskualdean dago.

359.900 biztanle zituen 2005ean.

Klima

Datu klimatikoak (Christchurch)
Hilabetea	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	22.5	22.2	20.4	17.8	14.6	11.7	11.3	12.4	14.9	17.4	19.2	21.2	17.1
Batez besteko tenperatura minimoa (°C)	12.2	12.1	10.6	7.7	4.5	2.1	1.9	2.9	5.1	7.2	8.8	10.6	7.1
Pilatutako prezipitazioa (mm)	42	39	54	54	58	66	79	69	45	53	44	49	648
Euri egunak (≥ 1.0mm)	6	6	6	7	7	9	9	8	7	7	7	7	85
Eguzki orduak	230	196	183	161	142	119	124	148	165	198	215	221	2100
Hezetasuna (%)	72.9	79.7	79.0	83.2	85.6	87.0	87.3	85.0	78.7	73.5	71.9	71.5	79.6
Iturria:

Historia

Hiriko katedrala 2011ko lurrikara baino lehen.

• Arkeologia ikerketen arabera inguru honetako lehenengo biztanleen aztarnak 1250 ingurukoak izango ziren, "moa" jende ehiztarienak hain zuzen ere.
• XVI. mendean "waitaha" tribua heldu zen, eta honen ostean "Ngati Mamoe" eta "Ngāi Tahu" tribuak. Azken hauek izan ziren bertan europarrak topatuko zituztenak.
• 1850eko abenduaren 16an iritsi ziren 4 itsasontzitan Londresko "Canterbury Association" izeneko eliz-elkarteak bidalitako lehenengo 792 erromes.
• 1863an Zeelanda Berriko lehendabiziko trenbide publikoa zabaldu zuten Ferrymead eta Christchurch lotuz.
• 1881ean hiriko katedral anglikanoa, neogotiko estilokoa, kontsakratu zuten. Hurrengo urteetan hiru lurrikara jasan zituen, baina kalterik handienak 2011koaren ostean pairatu zituen.
• 2010eko irailaren 3an 7.1 graduko lurrikarak kalte materialak eragin zituen hirian.
• 2011ko otsailaren 22an beste lurrikara batek hiria jo zuen, oraingo honetan bortitzagoa 6.3 graduko magnitudea eduki arren. Izan ere, 150 hildako baino gehiago laga zuen.

Antartikarako abiapuntua

Christchurchek historikoki garrantzitsua izan da Antartikako esploraziorako, izan ere Robert Falcon Scottek eta Ernest Shackletonek Lytteltongo portua erabili zuten abiapuntu moduan XX. mendeko hasieran. Horrekin lotuta, hainbat material ikusgai dago gaur egun hiriko Canterbury Museoan. Halaber, "International Antarctic Centre" izeneko zentroa zabalik dago bisitarientzat.

Bestela, izoztutako kontinentearekin loturak aireportuaren bidez egiten dira azken hamarkadotan.

Kanpo loturak

(Ingelesez) Christchurch hiriko webgune ofiziala