Cookie

Wikipedia(e)tik
Hona jo: nabigazioa, Bilatu

Cookie bat (['ku.ki] ahoskatzen da; hitzez hitz ingelesez galleta esan nahi du) web zerbitzari batek erabiltzailearen fitxategi sisteman idazten duen testu fitxategi txiki bat da. Horrela, zerbitzariak erabiltzaile konkretu batekiko orri independenteak erakutsi ditzake (posta elektronikoko saio hasiera esaterako) edota erosketa poltsa bat kudeatu dezake. Cookien bidez nabigatzen ari denaren inguruko ohiturak ondorioztatu daitezke eta ondorioz cookien erabilera maltzurra egin daiteke.

Inplementazioa[aldatu | aldatu iturburu kodea]

Web orri bat eta zerbitzari baten arteko elkar truke posible bat. Bertan zerbitzariak cookie bat bidaltzen du nabigatzailera eta nabigatzaileak atzera bueltan.

Teknikoki, cookiak web zerbitzariak aukeratutako datu multzo bat dira eta testu fitxategi moduan nabigatzailera bidaltzen dira. Fitxategi hau nabigatzaileak gordetzen du eta web orri berri bat eskatzen denean atzera web nabigatzaileari bidaltzen du, aldaketarik egin gabe. Azken finean, aurretik egindako aldaketen memoria bezala jokatzen du cookieak. Cookierik egongo ez balitz web zerbitzarira egiten diren eskaera guztiak toki berdinera bidaliko lukete eta cookien bidez aurreko egoera batean oinarritutako web orria erakutsi daiteke.

Cookiea sortzen duen zerbitzariak iraungitze data bat jarri diezaioke fitxategiari, horrela, data horretan fitxategia ezabatu egingo da. Iraungitze datarik jartzen ez bada cookiea nabigatzailea ixten denean ezabatzen da, ez besteak bezala, saiotik saiora gorde egiten dela. Horregatik, iraungitze data duten cookieak iraunkorrak direla esaten da.

Nabigatzaileko aukerak[aldatu | aldatu iturburu kodea]

Egungo web nabigatzaile gehienek cookieak onartzen dituzte. Normalean erabiltzaileari nabigatzaile ezagunenek ondorengo hiru aukera nagusiak eskaintzen dituzte:

  • Edozein cookie onartzen da
  • Erabiltzaileari galdetzen dio cookie bakoitza onartu nahi duen
  • Ez ditu cookieak onartzen

JavaScript onartzen duten nabigatzaile gehienek helbideen lekuan javascript:alert("Cookies: "+document.cookie) idatziz aktibo dauden cookieak ikusi daitezke.