Cueva del Milodón natura monumentua

Cueva del Milodón monumentu naturala
Kokalekua	Txile 51°33′56″S 72°37′11″W

Cueva del Milodón monumentu naturala Txile hegoaldeko hiru haitzulok osatutako monumentu naturala da, non hainbat milodonen aztarnak aurkitu diren. Milodonak Pleistozenoaren bukaeran, ziurrenik, desagertutako belarjale ugaztun handiak ziren.

Monumentua Puerto Natalesko iparraldetik 24 km-ra dago, Última Esperanza probintzian, Magallanes eta Txiletar Antartika eskualdean, eta Eberhard fiordoko uretatik 3 kilometrora ere. Monumentu naturalaren sarreran Lago Sofia lakuaren haitz konglomeratua dago zeinen partea den Deabruaren Aulkia.

Kobazuloetako handiena eta garrantzitsuena itsasoko mailatik 150 m-tan dago eta 30 metroko garaiera, 80 metroko zabalera, eta 200 m sakonera ditu.

Sorrera

Haitzuloak lutita geruza baten olatuen higaduragatik eratuko ziren; Benítez Muinoko hegaletan pilaketa harritsuko geruza baten azpian zegoena, izotz mantu handiaren erretiratze progresiboaren bitartean, glaziar kuaternarioko azken hedapenean zehar.

Historia

Haitzuloa Hermann Eberhard alemaniar merkatari itsasgizonak aurkitu zuen 1895ean, Última Esperanza probintzia kolonizatzeko helburuarekin emakidan jasotako lur miaketa baten bitartean. "Gruta Eberhard" barruan, garai hartan haitzuloa horrela deitzen zen, desagertua den animalia baten azala, hezurrak eta beste aztarnak aurkitu zituzten, Milodon (Mylodon darwini) desagertu egin zen belarjale handi bat, ziurrenik, Pleistozeno bukaeran. Paleo-Indiako kulturaren kide diren giza hezurrak ere aurkitu zituzten.

Turismoa

Bere garrantzi historiko eta zientifikoa ez ezik, Milodon kobak erakargarri turistiko handia du, inguratzen duen paisaia ederrak eta Torres del Paine parke nazionaletik, 88 km hegoaldera besterik ez dagoelako, eta horrek ezinbestekoa geralekua bihurtzen du parketik datozen edo parkera doazenentzat. Gainera, haitzulo handienaren sarreran animaliaren erreplika bat dago, Milodon baten antzekoa, Turismoko Zerbitzu nazionalak (Sernatur) eraikia.

Kanpo estekak

• Datuak: Q1483271
• Multimedia: Cueva del Milodón / Q1483271