Dave Vanian

Wikipedia(e)tik
Hona jo: nabigazioa, Bilatu
Dave Vanian
Dave Vanian
Dave Vanian The Damned bandan 2006ko abuztuan
Datu pertsonalak
Izen osoa David Letts
Ezizena Dave Vanian
Jaio 1956ko urriaren 12a (58 urte)
Kent Hemel Hempstead (Ingalaterra) ( Erresuma Batua)
Bikotekidea(k) Patricia Morrison
Musika
Musika tresnak ahotsak
Generoa Punk rock
Rock gotiko
Hardcore punk
Loturak beste musikari batzuekin The Damned
Masters of the Backside
David Vanian and the Phantom Chords
Captain Sensible
Webgunea www.burzum.org

Dave Vanian, jatorrizko izenez David Letts, (Hemel Hempstead (Ingalaterra), 1956ko urriaren 12a - ) The Damned bandaren (Punk rock, Rock gotiko, Hardcore punk) abeslaria da. Sex Pistols eta The Clashekin batera, Ingalaterrako Punk rockaren aitzindarietako bat izan zen.

Biografia[aldatu | aldatu iturburu kodea]

The Dammed banda
Patricia Morrison

David Letts Hemel Hempsteaden jaio zen, Ingalaterran, 1956ko urriaren 12an. Ehorzle lanetan aritu zen eta, musikan sartu zenean, izena aldatu eta Dave Vanian hartu zuen (Transylvanian bezala ahozkatuz).

Iggy Pop, Alice Cooper, Siouxsie edo Robert Smithen antzera, Vanianek ere estetika gotikoa zuen gustuko. Janzkera iluna eta aupegi zurbila, 1976ko azaroan, NME aldizkariak Vanianek Addams familiatik ihes egindakoa ematen zuela esan zuen[1].

Ez zaio bere bizitza pribatua agertzerik gustatu, baina jakina da Berpizkundeko artea, zine beltza eta beldurrezko filmak gustuko dituela.

The Damned bandaren sortzaileetako bat izan zen, taldea bilakaera ilunetara bultzatu zuena; soinu landua eta azkarrak Hardcore punk estiloan eragina izatea eraman du taldea. Banpiro estetika, zuriz margotutako aurpegia, ezpain beltzak eta begiak ere horrela margotuak, ilaje beltza atzerantz orraztua... Horrek denak izan zuten isla jarraitzaileengan, hauek ere aurpegi zurbila eta antzeko estetika erakusten baitzuten.

David Vanian & the Phantom Chords bandako kide ere bada eta, 1995ean, diskoa atera zuten: Dave Vanian and the Phantom Chords 1977an, The Damned bandan sartu eta gero, Laurie Vanianekin ezkondu zen, baina 1990. urteetan bikotea banatuta zegoen, jada, eta, 1996an, The Sisters Of Mercy bandako kide ohia zen Patricia Morrison baxujolearekin ezkondu zen. Urte horretan sartu zen Patricia The Damned bandan eta, 2004ko otsailaren 9an, alaba bat izan zuten, Emily Vanian.

2004an, hainbaten harridurarako, bera eta Captain Sensible izan ziren Cambridgeko Eguberritako argiak piztu zituztenak.

2009an, The Perfect Sleep filmaren banda sonoroa egin zuen

Gaur egun Vanianek telebista programa bat gidatzen du Erresuma Batuan.

Erreferentziak[aldatu | aldatu iturburu kodea]


Kanpo loturak[aldatu | aldatu iturburu kodea]