Eyharts (musika taldea)

Eyharts
Datuak
Jatorria	Bergara, Gipuzkoa
Musika mota	Elektronikoa;
Urteak	2017
Erlazionatutako artistak	Hegazkin
Taldekideak
	Jokin Guridi; Alayn Carazo

Artikulu hau musika taldeari buruzkoa da; astronauta gaitzat duena beste hau da: «Léopold Eyharts»

Eyharts Alayn Carazok eta Jokin Guridik 2017an Bergaran (Gipuzkoa)^[1] sortutako ikus-entzunezko proiektua da. Bi hankako zuzenekoa proposatzen dute: Carazok sintetizadoreetan oinarritutako musika elektronikoa jorratzen du, eta Guridik alderdi bisuala lantzen du, irudiak nahasi eta bi alorren arteko erabateko koordinazioarekin, ikuskizun bakarrean fusionatuta.^[2]

Modu organiko batean sortutako musika elektronikoa da.^[3] Beraz, zuzeneko bakoitza era ezberdin batean sortzen da, inprobisazioari ateak irekita uzten zaizkio, saio bakoitza bakarra eta errepikaezina bilakatzeraino.

BET^[4], Dantz!^[5], Olatu Talka eta Danbaka jaialdietan jo izan dute, besteak beste.

Ikus-entzunezko esperientzia[aldatu | aldatu iturburu kodea]

Audio erreaktiboetan eta pertsona interakzioetan oinarritutako sormen bisuala^[6] da taldearen bereizgarrietako bat. Musikak zein irudiak, bi arloek dute indarra, eta oreka hori da zuzenekoa entzunezko eta ikusizko bilakatzen dituena. Eszenaratzeak ere laguntzen du horretan.